8個月大 * 食齋

12月14日  星期三  晴天

兔寶寶: Hi~ 咁多位, 我今日八個月大喇!!
            呢幅相唔止有媽咪同我, Daddy都响度架!!

兔寶寶八個月大,
我無焗到蛋糕,
因為屋企有蛋糕買咗仲未食.

呢輪兔寶寶婆婆整親隻腳,
keep 住出嚟九龍我屋企附近睇跌打.
果個醫師就算book咗都要等一大餐,
反正咁近我屋企,
每次我都會帶埋兔寶寶一齊去等,
咁我媽一路同兔寶寶玩一路等就無咁無聊,
我亦樂得同我媽傾吓計.
尋晚兔寶寶舅父放工出埋嚟一齊等,
睇完醫生就食埋晚飯先返屋企.
好彩果度地方夠大, 多D人一齊等都無問題.

呀媽話尋日係佛誕(?!)要食齋.
咁就啱晒喇, 我都幾鍾意去素菜館,
不過大少係食肉獸就唔會陪我去食.
佢話陪我食都得, 跟住我要陪返佢去其他地方食小菜喎!
咁即係玩野姐.
難得有人陪我食齋, 好開心呀!!
屋企附近有好多齋鋪, 我地去咗老店[六榕仙館].

先叫咗一碟齋鹵味, 咁大碟都係20蚊.

一碟芵蓉蛋.

琵琶豆腐.

嗌咗兩碗飯, 點知我地太肚餓,
一陣就食晒.
唔夠飽, 叫多個雪菜火腿絲炆米.

兔寶寶瞓足成餐飯,
返屋企夜晚唔願瞓, 成十二點都仲龍精虎猛.
咁啱大少返屋企放低嫲嫲送俾兔寶寶嘅公仔,
我又有些少肚餓,
於是去咗土瓜灣飲夜茶.
去到呢D夜鬼多細路少嘅地方,
自自然然有好多人撩兔寶寶玩...
到回程時,  兔寶寶終於肯合埋眼瞓覺了.

兔寶寶: 大家見唔見我著住裙仔呀??

****************************************************

兔寶寶: 我係未愈大愈靚女呀?!

•