去工展會

12月13日 星期二  寒冷


尋日大少放假, 我地去咗工展會呀!!
我同兔寶寶都係第一次去架咋!
佢比我更高興，　因為沿途都有好多人撩佢玩!
由於之後仲要去街,
好多野例如凍肉呀果D我地都無買,
不過都買咗兩大袋!



最"呀咋"嘅係買咗個大湯煲;
又响日本城個攤位度買咗一塊放大鏡, 一個暖壺仔同埋一套密實盒,
三件都係一佰蚊;
大少買咗一支燙火膏, 一盒"西瓜霜";
我就買咗一大包蝦皮同幾包炸菜;
又幫兔寶寶買咗兩條打底棉褲.
反而好多人買嘅零食乾糧果D我地就無買,
因為我格過價唔係平好多咋!
有時超級市場做特價賣得仲平.
不過咁都已經買到一袋二袋喇!!

臨走我地仲同大會吉祥物影相添!!
不過影完都唔知果隻係咩野嚟架!

之後我地又去咗卡拉OK,
今次去咗糖街CEO!
果度D K Buffet比尖東仲多D野食!!
最好食係燉湯, 椰汁燉官燕同焗蠔.

我地食緊野果陣兔寶寶都好唔得閒,
將我地買咗嘅野逐件拆出來睇,
好似Boxing Day拆禮物咁興奮!!

到大少唱歌果時兔寶寶即刻搵窿捐呀!!
可想而知大少嘅歌喉有幾好喇!!

兩父女笑得幾燦爛~~