2011 人口普查

7月3日 星期日  炎熱

每十年一次嘅人口普查响6月開始咗喇!! 我亦都盡公民責任完成問卷並寄回統計署.

以前我都做過人口普查員嫁!! 不過就唔係响每十年一次嘅大型人口普查度做, 而係响N年前嘅中期人口普查度做, 當時我仲係中學生! 我諗果次係我人生第一次可以同咁多同學仔一齊做part time!! 依稀仲記得好好玩!!

而對上果次大型人口普查, 即係2001年, 當時我仲讀緊大學year 2, 都有D同學仔申請做普查員, 不過我就忙於幫人補習同攪"莊"所以錯失另一次同一大班同學搵錢嘅機會! 我記得當年份工都幾好pay嫁...

十年好似係一眨眼嘅事, 十年後嘅今日我已經由學生哥變成一位母親; 今年亦算是我人生的轉捩點吧!! 兔寶寶出世後, 除咗增加咗一位家庭成員之外, 亦都代表我之後嘅人生由放自己响第一位變成一切以兔寶寶為先; 响我有生之年都要盡力愛佢, 保護佢同關心佢!! 如果無咗兔寶寶, 我會覺得呢十年係無咩得著!!

下一次人口普查, 兔寶寶就九嵗了....唔知到時大家會變成點呢??

時間過得真係快啊!!
兔寶寶已經識坐了, 仲坐得好直添!! 當然, 坐角落位會坐得隱陣D...

兔寶寶: 吓, 乜影相呀?!

等我笑吓先...

得閒練吓頭仔, 做吓運動...

每一次訓練都有血有汗...哎!!唔係!!係有口水同有眼淚先啱!!

媽咪唔抵得我戴手套焗到對手臭晒, 決定唔洗我帶LU!! 好野!! 終於唔洗食手套, 可以食手指...不過我仲未好掌握個口响邊, 有時會叉咗隻手落個鼻度...

我唔係挖鼻C呀!!
*******************************************************************