兔寶寶35週4
今日一早就去咗QE做產檢, 同埋抽血驗多次甲狀腺素......等咗唔係好耐, 就到我了.........
本 來諗住今次檢查都無咩特別, 都係循例俾個醫生摸吓個肚咁, 點知個醫生今次同我講, 我响最近呢三次檢查都無重過, 都係54.4kg, 同埋佢用把尺度我個肚, 同我講由恥骨至胸下只有29吋, 好似細咗D... 所以安排聽日要入院, 照多次超聲波同埋聽胎心, 計埋星期五要返去睇甲狀腺內科, 即係今個星期要睇三日醫生呀...
而家個內科醫生仲同我較緊藥嘅份量, 我懷疑佢上次見我甲狀腺素仲係偏低, 所以俾得太高份量我食呀~~
因為甲狀腺素過高係會食極都唔肥嫁...同埋仲會失眠tim...自從我食咗果D藥之後, 就瞓得唔好, 又無咩胃口.....同埋個醫生再三同我講, 叫我一起身就要數BB响四個鐘頭內, 要踢夠我10下, 否則要即刻入醫院呀.....佢講到兔寶寶好似唔太正常咁, 同埋佢D語氣同之前咩都話我正常好唔同, 令我都無咩心機了......
希望聽日check到兔寶寶正正常常, 健健康康啦~ 咁我就心滿意足了....
尋晚同大少出去旺角街市吃的晚餐/消夜:
椒鹽魷魚
通菜炒牛肉
沙拉骨
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋日我地發現咗個蝦殼响個魚缸度!
之前大少唔信隻龍蝦會換殼(呢個資料我係上網得知的), 而我仲擔心佢過唔到換殼呢關, 原來隻龍蝦已經靜悄悄地換咗個殼了.......睇嚟佢比兔寶寶更加快高長大!
換完殼嘅龍蝦~ 都不知幾生猛~
******************************************************************
沒有留言:
張貼留言