週三雜記

5月21日  星期三  晴天

平日在家對兔寶寶講得最多嘅, 

大概同好多家長一樣, 

就係"clean up"!!

玩又無我份, 

執就要我執?!

好難喇! 叫多兩次唔聽, 

玩具會暫時"消失"一段時間.

要我幫手清理嘅, 

唔該你都唔好玩...

 

大家覺得佢好慘呀?!

睇埋佢背後嬉皮笑臉嘅樣, 

就會知道罰佢果個仲慘...

大家鬥企嘛~

不過咁, 呀B都係三嵗人仔, 

呢...搭電車返屋企, 

塞果五分鐘, 都夠佢歇一歇架喇~

見到佢攰到咁, 

唔知仲以為佢夜晚無得瞓...

事實上佢又真係幾攰嘅, 

又要返playgroup又要去playroom玩, 

通常十點鐘上床, 唔洗兩分鐘就瞓著, 

一覺瞓足十二個鐘, 

午睡都慳返~

******************

昨日兔寶寶無聊時畫了佢嘅杰作, 

佢仲指住話: This is dolphin!

********************

這份是動漫熱點指南, 

介紹港九各地有漫畫蹤跡的地方..

原來好多度都有!

Pose呢份單張响度, 

係因為佢印咗兔寶寶睇書果樣落去呢~~

呀女學校最近做團購, 

又見到兔寶寶個樣...

記低佢做紀念.