遊樂

5月2日  星期五  晴天

哥哥仔走咗, 

有D blog友問兔寶寶有無好掛住佢?!

答案係: 無架!

可能哥哥仔要返全日學, 

放學返來食飯又食成至少兩三個鐘, 

基本上平日佢都無乜時間玩.

再加上佢一有得玩就搶人地D野玩, 

再唔係兔寶寶玩乜佢都要話人玩得唔啱阻止佢, 

所以...兔寶寶都唔係太LIKE同哥哥仔玩, 

甚至乎玩玩吓會行開, 

怕咗哥哥仔管頭管勢...

現在平日要返playgroup, 

都唔會成日帶佢去公園.

星期六, 樓下office個姐姐好多時會帶埋兒子上班,

兔寶寶就好LIKE同呢個哥哥玩~

砌下LEGO咁.

兔寶寶砌咗一舊野出嚟, 

話係aeroplane喎~

响屋企笠住個紙盒扮戴高帽, 

一樣好開心~

週未就好鍾意約埋鄰居肥哥哥一齊去公園玩,

踢波又得...

跳繩都得, 

不過呀B係人有人跳, 

繩有繩跳...

長大了, 

唔再係痴住媽咪, 

宜家會走埋去其他小朋友度, 

請求人地"侵"埋佢玩~

吹下bubbles...

兔寶寶最大嘅優點, 就係肯讓小朋友!

即使係最心愛嘅玩具, 

自己玩得最開心嘅時間, 

佢都肯將玩具share出去!

連自己唔捨得嘅野食都肯請小朋友!

不過只限小童, 

對住大人, 佢就好吝嗇架喇~

除咗試沖花灑涼, 

三嵗後仲俾佢試用大人廁所(加了BB廁板),

唔再俾佢坐potty了.

第一次坐上去, 喊到九彩咁...

(其實都唔係第一次, 之前未識用potty前都坐過)

幸好最後都成功了.

希望佢快D習慣用大人廁所, 

第二時出街最多帶埋塊廁所板出去,

唔洗再攬片啦!