五一雜記

5月1日  星期四  陰天

前一排唔係日日出blog,

有D相影咗都唔記得, 

襯假期整理一下~ 

無湊哥哥仔, 

好自然時間多咗, 

加上九月兔寶寶正式返學,

尚算得閒時日日都搵D地方去吓.

上兩星期又去動漫機地, 

剛剛有個"讓孩子輸在起跑線"的展覽.

睇下, 香港地D小朋友就好似圖中嘅小丸子咁,

未出世就已經俾親人指好晒條路, 

樣樣野都有晒計劃, 

唔錯得架~

對現代小朋友來講, 

flash card 有另一番新意思, 

A is for apple (iphone), 

B is for busy...

如果全部明晒, 

會唔會係件好事呢?!

 

不如吹吓泡泡, 

玩吓D無聊野仲實際~

 

 奶奶常常俾D乾元貝仔我, 

叫我煮粥俾兔寶寶吃...

其實呀B都唔食粥嘅, 

收埋收埋咁多, 

又見有包蝦米買咗响度好耐無郁過, 

亂嚟整咗D XO醬.

原來好易架咋!

用少少水浸吓D瑤柱仔同蝦米, 

再半煎炸一下, 

之後加大半瓶買咗之後覺得太辣嘅台灣豆辦醬煮下佢;

屋企有好多蝦皮又加D落去, 

最後加D麻油直至cover到所有材料為止.

待冷小小放入攪拌機略略攪碎佢.

我就無攪爛晒, 仲有小小原粒瑤柱仔响度,

咁就可以放雪櫃, 半個月都得!

 

前排大少常獨自帶住呀B去食飯, 

無媽咪睇住, 

兔小姐作晒反~

有得飲飲食食週圍玩, 

實係爸爸最好架!

 踏入三嵗, 

曾經嘗試過幫兔寶寶用花曬洗頭, 

係兜頭淋果隻.

可惜佢太硬頸C都唔肯dup低頭, 

又喊又盛咁, 

睇得出佢唔係扭計, 

而真係驚花灑.

最後一個步驟沖走D泡時掙扎得實在太過厲害, 

佢又識得自己關水制, 

次次都要大少幫手.

咁夾硬都無謂勉強, 

試咗幾日唔掂, 

到宜家都係恢復原狀, 

好似BB咁抱住洗頭~