第二天鴨仔團

4月30日  星期三  晴天

續: 順德佛山兩天團

第二天早上六點多就起身, 

七點鐘去酒店大堂食早餐buffet.

食物選擇唔多, 

勝在唔係好油又唔係好咸.

而兔寶寶除咗食白烚蛋, 

就係食西瓜, 仲要自己食, 

唔請人食~

 其實果朝九點九先至集合, 

但呀婆要預時間辦大事, 

所以早少少起身食早餐姐~

食完返酒店, 

兔小姐無野好攪玩燈制, 

故意阻住呀婆打機, 

一副撩交打的樣子.

有時間可以影窗外景色.

呢樹就係我鄉下, 南海佛山喇!

以廣東話為主, 

連超市廣播也是廣東話, 

比起深圳市, 更有親切感.

臨走前三婆孫在酒店外影幅相留念.

好快去到第二天行程的第一站, 

南海千燈湖.

真係好難先可以令兔寶寶望鏡頭.

 

影多兩影, 仲專登用個pet得住舅父添...

人地坐邊, 

佢又坐邊..

見人放風箏, 

又要走去八吓摸下~

之後又係食, 

去人山人海食自助餐.

選擇係好多, 

不過大部份係入得口, 

唔係好食, 

最好食就係個鮑汁鴨掌.

同呀B用水果砌了個小丑.

Pancake都好食~

有人餵埋仲好味!

唔係有心啜兔寶寶對筷子, 

係盛情難卻咋!

呢一招, 

唔想睇嘅請扮睇唔到!

玩朱古力噴泉最開心~

尾站去埋Hello Kitty cafe, 

就要搭返兩個幾鐘頭車去深圳灣喇~

响呢一站無幫襯, 

只有攪攪震!