放假一天

1月16日  星期四  晴天

尋日大少放假, 待佢起身沖涼換衫之後就走去飲茶.

响屋企已經俾兔寶寶吃過午餐, 

帶了一盒提子 + 藍梅當小食.

呀B因為好口, 

同一個酒樓經理打招呼時叫人"哥哥",

人地請咗杯芒果布甸佢吃.

怕芒果濕熱, 我都好耐無食過芒果布甸了.

嘿嘿, 最後兔寶寶都係食唔晒,

有一半是落入我肚中的~~~ 

 

每次出去飲茶, 

兔寶寶都會在中途坐吓大少大脾.

平時連拖都唔俾個老豆拖吓, 

難得有人自願投懷送抱,

大少自然要幾得戚有幾得戚...

呀B也風騷得很, 

送上飛吻一個~

其實兔寶寶主動"坐大脾"係另有陰謀的.

佢自己坐嘅時候我唔會俾佢食食下飯落地.

但大少呢, 就乜都無所謂.

兔寶寶很早的時候就深知邊個較為順得人,

坐兩坐就借D二行落地下企吓.

食完午飯, 打算去北角玩波波池.

行經珠寶店, 

呀B總會跓足觀看門外的大型燈箱廣告.

每次我都會很狡猾的指著那些模特兒問兔寶寶, 

佢地係咪好似媽咪咁靚?!

嘻嘻, 

當然我知呀B一定答"係"先會咁問啦!

去到北角經過城市花園, 

兔寶寶要求先玩陣sir滑梯~

 

去到冒險樂園先知波波池無開!

咁唯有玩吓湯馬氏小火車啦!

呢個遊戲要入十個金幣,

兔寶寶入錢入了很久,

等佢入錢仲耐過真正玩的時間...

之後玩多兩個無聊遊戲就出去四圍行,

買了很多濕碎野.

行咗大半日, 

無怪乎回程的短短車途呀B也累得睡著了~