兩間小店下午茶

7月6日  星期六  晴天

呢個星期出街食咗幾餐TEA,
除了飲中式茶, 還試了兩間小店.

第一間裝修得靚,
早餐、午餐和下午茶賣一般茶餐廳供應的食物,
也是茶餐廳收費, 招呼很好.
看過餐牌, 晚上吃小菜和海鮮,
也有麻辣餐單, 價錢比很多酒樓還要貴.
早晚的價格分別很大,
例如一碟琵琶豆腐晚上就要七十多塊,
午市一碟琵琶豆腐飯才三十幾!
我們當然先試最便宜的下午茶了!



一坐底兔寶寶就扮睇報紙.

大少要了係人都識煮嘅出前一丁,
連飲品三十蚊.

我就要炸脾薯條, 呢個餐都係三十.

兔寶寶在家已吃飽, 佢志在飲(&玩)水...

不過有薯條喎,
梗係食啦!

食完仲"懶"得戚!

呢間D野食雖然無特別,
但勝在坐得舒服, 招呼又好.
再來機會都好大呀!

*****************************

另一餐, 成日行過都俾佢MENU吸引,
但佢下午茶係兩點半先開始,
就因為差咗半個鐘,
延至今日先幫襯.

我同大少都係想叫呢個餐架!
不過我叫咗先, 大少唯有叫第二樣.
未食過嘅餐廳, 無理由叫埋同一樣嘅野,
一人一樣先可以試多D嘛~

實物圖, 真係唔差啵!
食落都唔差,
至少薯皮係熱辣辣嘅,
果撻凍得來係鬆化嘅,
煙三文魚三文冶入面仲夾有芝士添!
廿五蚊咋, 去邊都食唔到啦!

兔寶寶最先摸摸果撻...

之後都係嚷著要吃菜菜..
沙律菜都唔馬虎, 加咗黑醋和橄欖油的.

大少要腸仔加酥餅,
呢兩樣野我都麻麻, 無試食,
但大少話好好食喎!
呢個餐廿二蚊咋!

兔寶寶都食咗兩塊酥餅.

凍飲加兩蚊, 唔洗加一,
埋單五十一.
大少話好耐都無試過找數咁平了.