簡單晚餐

7月7日  星期日 晴天

星期四大少放假,
不過我地無去街,
我如平日一樣在家照顧兔寶寶,
大少就全日攤响床打機..

佢唔同我一齊去街市,
買上就在超市買些簡單的食物煮來吃就算了.
係呀, 自從天氣開始熱,
佢就無同兔寶寶去公園,
而我拖住兔寶寶, 都很少去街市,
很多時在附近超市買餸算了.

煮來煮去都係果幾味,
有沙嗲洋蔥炒肥牛.

蝦仁炒蛋, 蝦是超市雪藏貨色.

XO醬蠔油煮雙蔬,
知大少唔鍾意淡戌戌, 就埋個獻,
氹佢食多些少菜.

呢碟係中午飲茶食剩的椒鹽魷魚,
晚上用鑊烘烘食埋佢.
粉多過肉, 不好吃.

說兔寶寶好識睇人係無錯的,
明知佢老豆留在家中是不會陪佢玩,
兩父女就互相當大家透明,
你當我唔响屋企, 佢又當你返咗工.
就是這個原因我不想大少放假留在家,
唔一定要陪我, 寧願佢自己搵地方佢,
總好過留在家中唔好大教壞細.

我要換床舖的時候, 大少終於要離開自己張床,
走到兔寶寶房了.
一入房, 就發現兩父女一人一部手機,
各不相干..

所以大家明為何我不把兔寶寶留在家,
讓大少"照顧", 自己獨自走去街市買餸嗎?

幸好臨睡前兩父女主動幫手拖地,
先叫做順返條氣~