兔寶寶: 睇標題以為有香艷浴照睇?!
咁就錯晒喇!
一直以來都係我同大少兩個人幫兔寶寶洗澡,
最多都係呀媽嚟嘅時候就俾佢玩吓洗白白,
點都係兩個人一齊幫BB沖涼.
我自己單獨係同BB洗過一次咁大把,
當時兔寶寶好細個仲要只係洗下半身!!
從網上討論區睇到大部份媽媽都會响大約嵗幾就幫BB用花灑沖涼,
雖然兔寶寶未到一嵗, 但以佢咁鍾意水,
又喜歡沖涼, 早少少俾佢試吓花灑無問題吧!
其實仲有少少私心的, 我好希望响嚟緊嘅夏天同兔寶寶一齊去游水,
游完水點都要沖一沖水吧!
想來想去, 最多都係可以帶一個小水盤去裝水為兔寶寶沖身,
但直接淋花灑會乾淨好多!
而且兔寶寶可以用花灑沖涼的話, 咁我一個都攪得掂,
大少唔洗日日一起身就要顧住同兔寶寶沖涼(雖然我係好enjoy一齊沖涼嘅時光!).
尋晚兔寶寶又攪到污髒邋遢,
見天氣唔凍就不如用花灑沖多次涼啦!!
因為個大浴盤掛咗响廚房嘅鐵通上,
我論論盡盡唔夠高又唔夠力, 好難攞落嚟.
於是我就攞咗一個BB剛出世時用的細盤,
放兔寶寶落去.
兔寶寶响入面剛好卡住咗唔怕佢郁來郁去又唔怕跣.
(其實我有諗過俾張櫈仔兔寶寶坐响度洗, 但怕佢左閃右避跣落地)
我以為有D新奇野玩兔寶寶會好開心的,
點知一抱佢落盤佢已然好驚咁喊了.
好彩佢喊得早咋, 我本來打算一野兜頭淋,
順便洗多次頭的.
題外話吖, 最近兔寶寶瞓覺都好大汗,
瞓醒時唔單止個頭濕晒, 連個枕頭仔都濕透了.
大少話細路仔瞓覺係咁架喎!
但係以前有一排我身體很不好, 晚上瞓覺出晒汗,
中醫話我虛架喎! 定係BB血液循環快, 新陳代謝好??
講返正題, 好彩我無洗濕埋兔寶寶個頭,
因為我一拎起個花灑淋水佢喊得仲大聲,
兩隻小手緊握拳頭不停抖震.
我未見過佢咁喊法, 佢一定係好驚,
於是我只係淋濕佢下半身洗下屁股就算喇!
我將呢件事話俾大少聽, 佢仲鬧鬼我,
話我好放BB入個小盤子, 好似劏豬咁...
不過我今日都勸服大少,
俾BB响浴盤沖完涼之後用花灑淋一會兒,
等佢慢慢適應.
可能有浸過浴做warm up,
淋花灑時睇得出兔寶寶雖然係驚, 但都無話喊到收唔到聲,
都算係邁出一大步了.
沒有留言:
張貼留言