景逸軒飲茶

3月30日  星期五  和暖

今日好熱呀, 天文台仲話今日會凍返添!!
再熱D就揹唔倒兔寶寶了.
宜家揹住兔寶寶, 佢個頭殼頂都已經貼住我下巴,
如果較鬆D條帶又唔就力.
以佢高度發展睇來出年都揹唔到佢,
係時候買架"輕CAN" D嘅BB車俾我夏天帶BB落街市了.


晏晝摷醒兔寶寶去咗景逸軒飲茶, 諗住飲完茶去睇吓D BB車.
有人未瞓醒, 等位嘅時候好唔滿意咁喎!!

坐响張"天皇椅"度都係悶悶不樂,
隔離枱D哥哥姐姐撩佢, 都唔識笑.

兔寶寶: DADDY你成身汗就唔好痴埋嚟啦!!

叫咗幾個點心, 有蘿蔔糕、紅油炒手、
雜菇魚肚、鮮蝦炸雲吞.


仲有為咗佢而嚟飲茶嘅蛋散、
大少至愛嘅牛肉、
以及特價嘅燒肉油雞麵.

宮廷菜肉包, 俾D包皮兔寶寶食佢唔吼,
不過就响咁攪D包. 大少話由得佢玩喎!
結果兔寶寶玩玩吓拎起一個丟落地.
真係嘥鬼晒D野.

兔寶寶: 我唔食, 你地都唔准食!!


咁惡死, 好, 唔該你坐返落BB車, 坐牢!!


做乜坐牢反而咁開心嘅?!