1月10日 星期二 晴天
尋日大少放假, 一早就決定咗出旺角行吓街,
順便睇吓大少部舊電話整唔整得返,
整唔返就去放咗佢.
十一點幾大少起床, 先去salon剪頭髮,
之後就行出旺角.
我乜都未食, 好肚餓呀,
但仍然堅持唔响屋企果頭食, 要行遠D先食野....
嘻嘻, 我嘅堅持係正確嘅!
俾我發現好野!
好耐無食過呀!
百物騰貴嘅香港, 竟然俾我搵到加價唔係加得好勁嘅野!
10N年前嘅中學時代, 响屯門都要賣成5蚊一塊,
而家响旺角都係賣6蚊!
個呀叔一路包就一路賣花讚花香,
又話自己果D餡特別鬆化, 又話果D皮又比一般嘅煙韌,
跟住又話乜野工展會唔好食嘅都賣成八蚊件架....
咁你咁有信心, 可唔可以影幅相呀??
影啦影啦, 隨便影啦!
唔影由至可, 一影就有好多人爭買喇!
哈哈, 好彩個呀叔無講大話姐,
又真係幾好食啵!!
一件糖蔥餅梗係唔夠我攝牙隙啦,
做完大少D正經野之後,
經過漢和韓國燒烤, 好耐都無食過喇!
大少又唔係咁鍾意, 唔肯陪我晚上來;
咁食LUNCH得喇掛??
呵呵, 又話唔鍾意,
佢咪又係食好鬼多野....
仲有好多侍應讚兔寶寶咁乖坐响度等我地慢慢燒添!!
食完野之後去咗朗豪坊餵奶.
原來朗豪坊得兩個育嬰室, 仲要分上下兩層同埋上鎖嘅,
要叫商場職員開.
咁唔好彩兩間房都有人用緊, 要响門口等.
不過個職員就好好人, 响我地等候期間不停走上樓上果層睇吓個媽媽出嚟未,
騰上騰落騰咗好幾次...
(講真我都唔係幾好意思, 不過佢好似好得閒咁, 大少話"實Q"就係咁樣行來行去架喎!)
等咗差不多半個鐘...
其實如果唔係個職員咁落力, 我已經走咗, 求其搵張櫈搵條圍巾遮住就餵喇!
後來大少分析, 朗豪坊嘅育嬰室之所以上鎖,
可能係因為果度位置始終龍蛇混雜,
怕有人响入面鎖埋門食白粉都唔定!!
連兔寶寶都食飽飽, 我地就行返出商場,
睇吓Hello Kitty聖誕佈置拆咗未...
拆咗喇, 無得影相!
之後行返出旺角, 去金魚街睇狗仔, 貓仔同埋兔仔...
原來兔寶寶對兔仔無興趣, 淨係鍾意睇狗仔,
仲睇得好開心添!
再行吓行吓, 行到九點, 本來諗住去稻香食九點後特價小菜,
不過大少話頭先食韓燒果餐都未落格, 食唔落,
咁我一個食個麥當奴就攪掂喇!!
**************************************************
同場加影:
兔寶寶爬到廚房門外, 虎視眈眈:
講咗好多次唔好LAM條門檻,
話唔聽, 抱開佢一次又爬返過去LAM...
被罰坐牢:
在獄中都咁開心嘅犯人, 你見過未??
兔寶寶婆婆不滿上次無份同BB拍"情深款款",
上星期日前來, 特意補拍一張:
尋日大少放假, 一早就決定咗出旺角行吓街,
順便睇吓大少部舊電話整唔整得返,
整唔返就去放咗佢.
十一點幾大少起床, 先去salon剪頭髮,
之後就行出旺角.
我乜都未食, 好肚餓呀,
但仍然堅持唔响屋企果頭食, 要行遠D先食野....
嘻嘻, 我嘅堅持係正確嘅!
俾我發現好野!
好耐無食過呀!
百物騰貴嘅香港, 竟然俾我搵到加價唔係加得好勁嘅野!
10N年前嘅中學時代, 响屯門都要賣成5蚊一塊,
而家响旺角都係賣6蚊!
個呀叔一路包就一路賣花讚花香,
又話自己果D餡特別鬆化, 又話果D皮又比一般嘅煙韌,
跟住又話乜野工展會唔好食嘅都賣成八蚊件架....
咁你咁有信心, 可唔可以影幅相呀??
影啦影啦, 隨便影啦!
唔影由至可, 一影就有好多人爭買喇!
哈哈, 好彩個呀叔無講大話姐,
又真係幾好食啵!!
一件糖蔥餅梗係唔夠我攝牙隙啦,
做完大少D正經野之後,
經過漢和韓國燒烤, 好耐都無食過喇!
大少又唔係咁鍾意, 唔肯陪我晚上來;
咁食LUNCH得喇掛??
呵呵, 又話唔鍾意,
佢咪又係食好鬼多野....
仲有好多侍應讚兔寶寶咁乖坐响度等我地慢慢燒添!!
食完野之後去咗朗豪坊餵奶.
原來朗豪坊得兩個育嬰室, 仲要分上下兩層同埋上鎖嘅,
要叫商場職員開.
咁唔好彩兩間房都有人用緊, 要响門口等.
不過個職員就好好人, 响我地等候期間不停走上樓上果層睇吓個媽媽出嚟未,
騰上騰落騰咗好幾次...
(講真我都唔係幾好意思, 不過佢好似好得閒咁, 大少話"實Q"就係咁樣行來行去架喎!)
等咗差不多半個鐘...
其實如果唔係個職員咁落力, 我已經走咗, 求其搵張櫈搵條圍巾遮住就餵喇!
後來大少分析, 朗豪坊嘅育嬰室之所以上鎖,
可能係因為果度位置始終龍蛇混雜,
怕有人响入面鎖埋門食白粉都唔定!!
連兔寶寶都食飽飽, 我地就行返出商場,
睇吓Hello Kitty聖誕佈置拆咗未...
拆咗喇, 無得影相!
之後行返出旺角, 去金魚街睇狗仔, 貓仔同埋兔仔...
原來兔寶寶對兔仔無興趣, 淨係鍾意睇狗仔,
仲睇得好開心添!
再行吓行吓, 行到九點, 本來諗住去稻香食九點後特價小菜,
不過大少話頭先食韓燒果餐都未落格, 食唔落,
咁我一個食個麥當奴就攪掂喇!!
**************************************************
同場加影:
兔寶寶爬到廚房門外, 虎視眈眈:
講咗好多次唔好LAM條門檻,
話唔聽, 抱開佢一次又爬返過去LAM...
被罰坐牢:
兔寶寶婆婆不滿上次無份同BB拍"情深款款",
上星期日前來, 特意補拍一張:
沒有留言:
張貼留言