嫲嫲自家煮 * 北角王記糖水

3月23日  星期六  晴天

續: HEA足一天

晚上我地去咗兔寶寶嫲嫲家裡吃飯,
五菜一湯, 白飯任裝...
湯是中式羅宋湯.

我飲咗三大碗,
後尾奶奶仲俾咗一大壺我拎走.

菜有煎封紅衫魚.

魷魚炆排骨.
原來呢個都係上海餸嚟架!
D魷魚好好食, 我食咗很多.



雪菜炒肉絲.
D雪菜係奶奶自己醃的, 不太咸很好吃,
也很好下飯.
奶奶見我筷不停, 就畢起一碗給我拎走..


清炒椰菜.


椰菜花炒肉片,
奶奶常煮這個餸, 因為大少很喜歡吃椰菜花.



因為那碟雪菜和炆排骨魷魚太好送飯,
執埋兔寶寶吃剩的手尾,
我一共吃了兩碗幾三碗飯呢! 真失禮呀!

飯後果還有布林, 兔寶寶還是第一次吃.
佢好鍾意食, 仲自己食晒一個呢!連呀嫲都嘖嘖稱奇.

**************************

食完飯休息咗陣,
大少仲帶我去食糖水,
佢話呢間糖水鋪好多人幫襯.
果然座無虛席, 門口亦有一條人龍排隊買外賣.
糖水嘅款式不多, 餐牌就一張兩頁足夠了,
都是傳統的中式糖水.
見好多人食豬骨粥, 聞起很香,
可惜實在太飽了, 留待下次才試吧!

大少要了一碗涼粉綠豆沙,
我就要了一碗大的蛋白杏仁露.
一畢起就知真材實料, 絕對唔係用生粉米粉溝出來的糊,
粒粒杏仁碎夾著絲絲蛋白, 雖然是不幼滑,
但一定是自家磨的, 蠻喜歡這口感呀!
大大碗才廿蚊, 足足是其他糖水店兩碗的份量了.

這一天, 很滿足.