放假一天

8月2日  星期五  晴天

星期三大少放假, 等佢起身我地就先去荔枝角,
早前團購咗一份玩具俾兔寶寶, 要去果度嘅工業大廈拎呀~
拎完玩具, 就搭地鐵去旺角食韓燒.

去到餐廳都差不多三點,
侍應告知D食物會在三點九就停止供應,
我地可以拎多D食物慢慢燒至五點.
如果唔係一場搭車來到, 我寧願去第二度食
皆因我喜歡食佢D熟食, 好似炒菜冷盤呢D多過自己燒,
拎定都未必好食了.


為免兔寶寶攪個燒烤爐, 安排佢坐私家位.

好開心咁食 I cream(不是ice cream)...

食飽飽, 旺角太多人,
商量緊撘地鐵定搭巴士返屋企好..
反正有時間, 不如搭車落尖沙咀碼頭再乘小輪過海啦~
兔小姐食飽又要睡一睡~

差不多放工時間, 碼頭都幾多人.
我同兔寶寶都係第一次搭船去灣仔!

去到灣仔, 我地又行咗陣街市.
休漁期過咗, D蝦平返好多,
基圍蝦四十蚊有一斤.
一路都係打算買呢D平平地嘅,
大少又話要食百幾蚊嘅海蝦.
佢拗唔掂煮果個,
百幾蚊夠我叫外賣pizza, 仲唔洗煮添~
咁就乜都無買, 返屋企.

返到屋企大少唔憤氣無得食海蝦,
話自己一D都唔肚餓, 要叫pizza就我自己食喎!
咁即係叫我唔好嗌pizza姐~
等到八點幾, 大少又話肚餓.
雪櫃有D餸, 快快手煮兩碟佢過口癮.
百幾蚊嘅海蝦就無喇, 雪藏蝦好無?!

仲有碟炒雜菜.

食剩三隻蝦時, 大少話D蝦好似煮得唔夠熟.
咁我再煎煎佢啦!
大少即刻食住上, 叫我順手煎多幾隻喎!
大少, D蝦要溶雪架, 唔係話煎就煎;
煎多兩條腸仔俾你就得!
又話自己唔肚餓, 食得仲多過我~

洗完碗抺完地,
就開始砌呀B盒新玩具.

輪到佢煮喇~