七一雜記

7月1日 星期一  晴天

上星期四book咗場去打羽毛球,
今次就只得大少同我對打.
開頭都擔心兔寶寶响度唔知攪乜,
又怕佢會走去隔離個場騷擾人.
好彩佢樂此不疲地响個網之間穿來插去做執波妹,
係要就住唔好打到佢;
不過呢, 去打羽毛球點都好過去游水,
去游水成日都要睇住佢, 變咗唔洗游.
打完一個鐘成身濕晒,
太耐無運動之後兩日對手痛咗兩日!

打完波返屋企沖個涼,
去咗富臨食TEA.
個肚餓到連食油雞瀨都怕些唔夠飽,
最後叫咗個點心拼盤餐.
點心每樣一粒, 都唔錯.

有人仲餓鬼過我,
明知熱辣辣都食唔切...

套餐跟埋一大碟干炒牛河,
只係賣$48!!!
仲要超多牛肉同芽菜,
抵到爛~

其實個套餐兩個人食都好夠架喇(細食嘅夠4個女仔食!),
大少唔抵得叫多兩個特價點心~

因為兔寶寶同D酒樓職員外交關係良好,
知客姐姐還送上兩碗南瓜露~
結果食到捧住個肚, 仲要有成盒牛河打包!