鬥閃

7月2日  星期二  晴天

上星期响好偶然嘅情況下,
同樓下office嘅兩位姐姐一齊食LUNCH呀!
除咗weekend之外,
兔寶寶幾乎每日都會同呢兩位姐姐見一見面,
可謂感情深厚, 有好多時仲留响人地office玩到唔捨得走!
果日大少晨咁早就返咗工,
有人陪我食LUNCH當然開心啦,
不過最開心嘅都係兔寶寶,
成餐飯開心到見牙唔見眼.


我地去咗附近食burger, 呢間我都係第一次來,
個包幾好食架, 但食完之後就好飽!
兔寶寶响屋企食咗飯, 呢餐只食薯條,
同漢堡包入面D生菜.
食薯條果樣咁凝重, 係因為D薯條好熱呀~

有水唔飲, 擺明呃汽水飲...

佢"畢"緊嘅就係包入面嘅生菜!

嗚嗚, 無論來回程呀B都唔肯拖我,
要拖實姐姐, 我拖住佢仲fing甩我隻手呀~~

************************

我要曬命呀!
好閃架, 大家戴好太陽眼鏡未呀?!
我呢窮C奶梗係唔係曬幾多卡鑽戒啦!
呢D等第二時發咗達先曬俾大家睇...
同兔寶寶一人一對閃鞋,
呢種母女裝低調得來又高調....(有無人明我講乜呀?!)
大少想話融入都幾難,
搵唔到對銀色蝴蝶結波鞋俾佢呀!!!