形似旺仔小饅頭的蛋果子

4月5日  星期四  陰天

尋日兒童節, 大少要返工,
加上兔寶寶仲係食緊藥, 怕佢出去玩會曬親熱親佢,
懶洋洋的我都無為兔寶寶安排什麼去渡過她人生的第一個兒童節.
襯住下午大少同兔寶寶瞓晏覺,
花咗小小時間去焗一個啱細路仔食嘅點心.

兔寶寶除咗有牙仔餅做零食之外,
我地都會買定些BB米餅同其他BB餅預備去街時給她吃,
其中有一隻無論外貌和味道都同旺仔小饅頭很似,
但價錢卻貴十倍有多.

除咗米餅之外, 兔寶寶至愛就是這零食.
經常性焗蛋糕來慶祝她每月的生日,
吃的卻是我們, 好像有點不好意思呢!
慳家的我從網上發現類似旺仔小饅頭的食譜,
就自己動手做給她作小吃吧!

今次係參照肥丁的食譜, 作法很簡單,
最花時間的是把搓好的面糰搓成一粒粒.


焗起的味道很似旺仔小饅頭, 味道也似,
可惜質地並不似: 這個蛋果子不是入口即溶的,
口感倒是有點是脆版的水泡餅.
就是這個原因, 兔寶寶並不愛吃!
她咬不到, 而且細細粒很容易哽咽,
給她試了一粒, 吐了出來以後, 我就不敢再給她吃了.

後來再搜尋其他食譜, 入口即溶的,
用的是馬鈴薯澱粉而不是片粟粉,
可是哪裡有馬鈴薯澱粉賣呢?
買到的話我會再整一次的.
現在這一瓶, 兔寶寶無福消受,
就留給我自己吃好了.

************************

呢兩日唔知係咪因為生病呢?
兔寶寶都無乜胃口, 尋日仲好似減肥咁,
乜都唔食淨係食菜.
今日午餐都係食咗幾啖粥仔咋!

食食吓野, 瞓咗...


兔寶寶兩個幾月大時, 著起佢人生第一條裙子,
明顯衣不稱身, 好似一個細路仔偷咗大人條裙嚟著咁.

差不多一嵗時再穿起同一條裙子,
雖則未至於曉行曉走, 但都有點小女孩嘅影子了.