原味法式海棉蛋糕

4月6日  星期四  雨天

今日跟FLORA嘅法式海棉蛋糕食譜焗咗個8吋海棉蛋糕.


放咗入焗爐之後去咗沖涼, 遲咗少少加錫紙响面,
個面爆開咗, 焗燶咗少少.


脫模時心急得滯, 外皮花咗D.

不過都無損佢嘅鬆軟度.

大少見我整蛋糕, 問我係咪整俾兔寶寶生日呀?
BB未有耐生日, 呢個蛋糕唔洗落油又少糖,
午餐唔夠飽, 整嚟填肚姐!

********************
 就快1嵗嘅兔寶寶, 係時候俾佢試下食橙.
開頭好有心機將D橙去薄衣撕成一小塊一小塊,
見佢食得唔過癮, 索性成瓣俾佢搾住食.
睇下佢食得幾津津有味!!

兔寶寶: 媽咪你唔好影我D醜態放上網好喎!!