又係飲茶

6月17日  星期六  陰天

過去嘅一星期都好忙, 成日都有D野要攪,
日日都出街食晏,
有街街去兔寶寶最開心!!!


呢日又係去咗聯邦酒樓飲茶....

又係例牌叫蝦餃帶子餃蒜茸魷魚,
見灌湯餃有特價叫來試吓, 點知係超難食;
腸粉係叫來俾兔寶寶食嘅.


仲有個冬瓜豬骨粥, 本來打算試下咸唔咸,
唔太咸都可以俾BB食吓....
一試之下以為自己食緊豉油, 完全入唔到口,
於是叫經理來取消咗.


最近嚟呢間酒樓都好勞氣,
兔寶寶唔肯食呢度D野,
事實係摷勻成張點心紙都無野啱佢食,
全部都係又咸又掛滿晒醬汁嘅,
兔寶寶唔肯食齋腸粉(上次叫包都唔食),
寧願食手指, 攪到我心情都好差, 無胃口食野,
五碟點心算鬼數...

唔食野不突止仲扭吓又擰吓,
我幾乎要發火喇!!!

呢個時候兔寶寶都費時睬我,
幾識睇風頭火勢呢!
走去第二枱, 撩一對年輕夫婦玩,
氹到人鬼咁開心.
可憐對couple想食野, 兔寶寶一見人地嘅focus 離開咗佢,
就整蠱做怪要人地一定要同佢玩~
 我同佢講bye bye,
佢bye返我轉頭...

兔寶寶: 好行夾唔送呀, 媽咪! 唔好阻住我...

兔寶寶: 媽咪唔好嬲, 不過就嚟父親節,
              緊係要親親daddy....