2015年4月14日

4月20日  星期一  晴天

兔寶寶愈長大, 

愈來愈無嚟正經....

宜家Trouble four, 愈來愈唔聽我話, 

有時仲會激到我忍唔住响條街度同佢訓話..

叫佢行東, 佢會行去西...

你想佢食咩?! 叫佢唔好放入口就啱喇, 

佢成日同我唱反調架~

星期六玩Drama同學phonics ,

phonics 由開學學到宜家, 

Drama 就早兩個月前俾佢返去玩...

當我有多一小時自由時間...

但我打算完咗呢個學期唔再俾佢返drama了,

學費貴係其一, 

最主要係唔知佢返來做乜/學乜/玩乜.

我見佢只係知每星期六會見到那位老師/同學,

完全無跳完芭蕾舞果種興奮,

响屋企都唔會哼下drama裡學的歌..

可以猜想佢有幾大興趣.

**********************

上星期一我唔太舒服, 

早了放工回家休息.

因為無食LUNCH, 

接埋兔寶寶放學, 先去吃下午茶~

呀B一知道放學唔係直接返屋企, 

而係去食野就會好開心~

***********************************

星期二, 四月十四日, 

係兔寶寶正日生日.

呢日我要返工, 佢要返學.

唯一特別嘅係早上吃舅父買給兔寶寶的"幸福曲奇"做早餐.

呢個生日食得太多蛋糕, 

係要食吓"生日曲奇"了.

預先叫大少調假, 

早少少接兔寶寶放學去吓玩.

佢地兩父女去咗北角馬寶學林入面嘅室內遊樂場玩...

入面有有波波池, 沙池, 模擬超市, 滑梯等...

 兔寶寶玩到人地差不多關門都唔願走(關七點),

仲扭話唔肚餓, 唔去食野喎~

呢晚無咩新意, 

都係去返富臨...兔小姐等菜上時就不停玩Hello Kitty貼紙.

話就話係兔小姐的birthday dinner, 

望下食乜...似大少生日多D囉....

三個人食...真係好豐足, 

豐足到我很後悔無帶個餐盒去打包一盒做翌日的LUNCH.

兔寶寶一定步步高陛喇!

成餐飯最開心、最積極同最主動就係臨尾食桂花糕!