蕃薯芝士蛋糕配蕃薯忌廉

3月26日  星期二  晴天

之前從網上得知原來cream cheese係可以放响冰箱保存,
用前一日放返入雪櫃慢慢解凍即可, 用攪拌機攪時初頭會好似一粒粒咁,
攪耐些少一樣可以變返忌廉狀.
所以呢宜家我一買就買1KG嘅忌廉芝士,
一分為四咁用保鮮紙加保鮮袋pack好放入冰箱,
咁就唔使一次過"質"自己用晒D芝士啦!

今次用呢一舊都放咗成個幾月架喇!
咁啱蒸咗四個紅蕃薯, 就用佢嚟整蕃薯芝士蛋糕!



做法我亂來架咋!
其實都係同New York Cheese Cake差不多,
不過就加咗一個中型嘅蕃薯(搓成蓉).
攪好晒D芝士, 糖同蛋之後,
就將D蕃薯蓉加落去溶牛油度,
再分次將牛油蕃薯加入芝士漿中,
一樣以180度隔水焗50分鐘左右至熟.

今次我用咗黃糖代替白砂糖,
顏色更似蕃薯.(因為稍後會加甜忌廉上面, 所以糖嘅用量我只用少三至四平湯匙)



其實焗到咁已經食得!
冰箱有半盒又係放咗好耐嘅甜忌廉,
於是我又可以玩吓野喇!
以前我買甜忌廉返來呢, 會將佢倒入冰格,
雪成一粒粒咁用幾多就攞(大約)幾多出來解凍.
打過好幾次甜忌廉之後,
我發覺甜忌廉係唔洗解凍的,
就咁成盒用幾多用隻鐵匙"畢"幾多出來.
甜忌廉嘅質地只係比雪糕硬些少,
都幾好"畢",
畢咗出嚟, 就用隻叉稍為壓散幾下,
等佢唔好成舊磚咁, 就可以直接用攪拌器打發!

因為夠凍嘅關係, 好容易就打得起D忌廉!
做蕃薯/芋頭/粟子忌廉的話, 只需將D甜忌廉打到六成就可!


把另一隻較大型嘅紅蕃薯壓成蓉...



再分幾次加入甜忌廉, 就可以做出蕃薯忌廉喇~
加咗蕃薯嘅甜忌廉比較硬身,
好好唧, 無咁易溶架!

之後就可以把蕃薯忌廉唧在已涼透嘅蕃薯芝士蛋糕上.
我得承認, 我是唧得很樣衰的,
大少更一語道破說似篤X.
幸好兔寶寶看見了, 指著蛋糕上的cream說: "花花"
才為我挽回少少面子...  兔寶寶, 我愛你!
(不過有人唔抵得, 話兔寶寶係世界女, 識擦鞋喎~)

切開看看, 無咁似篤X,
有無好些少呀?!

Anyway, 呢個充滿蕃薯味的蛋糕,
是很好吃的,
下次我會用代糖同零脂cream cheese整俾有糖尿病的家人吃,
當然啦, 咁就唔會整甜忌廉果層喇~

我地食完午飯之後吃.
小朋友嘅反應是很直接的,
兔寶寶吃完一啖,
開心到又拍手, 又跳舞呀!

食飽飯嘅佢都食咗成件蛋糕呢!