因為常常看一些兒歌的baby TV,
很多簡單的動作, 例如表示梳頭、洗臉、刷牙等,
兔寶寶都一早學會了.
最近學懂的, 是用食指放在咀唇, 並shh一聲;
一學懂了, 就常常有事無事都shh不停.
星期六早上, 我們要到另一間幼兒園進行預備班面試.
上年interview的那一間, 已經收到通知說落第了,
只能進候補名單.
所以今次面試的這一間, 雖然不設全日制,
我們仍然照報.
然而我們太遲報名了, 它們早就滿額,
interview成功的話都是要排在侯選名單中.
只能怪我們搬得太遲, 報名慢人一步,
同時這一區的幼稚園雖然多, 但預備班學額卻不多.
兔年和龍年這一陣baby boom, 競爭就更大了.
形式和之前那一間很不同.
首先安排我們在一間有很多玩具的房間等候,
我就由得兔寶寶自己拿了其中一盒玩具到枱面玩(因為見其他家長都是這樣)
沒多久, 一位老師就自我介紹,
說她是負責interview我們的,
並帶我們進入課室坐好.
桌面上有一個籃子, 裝有積木和砌圖等玩具.
老師首先拿起一個小皮球, 問兔寶寶哪是什麼?!
其實咁簡單佢係識答的, 不過大小姐唔肯開金口.
老師就問我地, 平時佢(BB)識唔識叫DADDY媽咪架?
咁我地梗係話識啦! 兔寶寶成日都叫我地爸爸、媽媽架啦!
於是老師就叫呀B將個皮球交俾爸爸, 兔寶寶聽話的照做了.
接著老師拿起一架玩具巴士, 又問兔寶寶哪是什麼?!
兔寶寶又係唔答, 平時佢識講BUS架!
老師又再拎起一幅有一隻貓嘅照片, 問係乜野嚟架?
情況依舊, 兔寶寶好似喉嚨痛咁, 唔識講野...
於是我就同老師講, 呢D兔寶寶都識嘅,
不過佢有時肯講, 有時唔肯講...(自辯中)
跟住老師就俾咗D積木兔寶寶,
叫佢一塊塊疊高.
呢一關我都一額汗, 因為平時叫佢疊積木都會變成丟積木...
更何況呢D積木唔係正正方方,
而係塊塊不同形狀不同大小的.
不過兔寶寶好叻, 竟然做到了,
砌到最後一塊時已經高過佢自己,
都仍然可以砌上去, 我都係第一次見佢成功砌成積木呢!
呢一樣野平時响屋企我都有同佢玩, 不過D砌圖又係俾佢丟多過砌...
呢一日呀B唔知食咗乜野藥, 在老師幫助下竟然勉強砌到了!
那一刻我好開心呀, 即使間學校唔收佢我都好開心,
原來兔寶寶係得架! 只不過佢係唔响我面前做咋!
之後老師遞咗個橙俾兔寶寶, 又問佢係乜野嚟...
兔寶寶又係唔答啦!
仲拿著死不放手.
我就打圓場說: 係呀, 佢好鍾意食橙架!
老師就笑說: 咁呀, 你(BB)叫媽媽幫你搣啦!
大少終於開口, 話: 唔洗喇, 佢自己搣緊喇!
原來兔寶寶在我地說話時已經用手指"咪"開個橙!
呢個時候鄰桌嘅小朋友發脾氣, 丟咗個橙在課室一角,
場面都幾尷尬.
於是個老師就叫兔寶寶幫手執起佢, 並交返俾隔離枱個小朋友,
兔寶寶都乖乖照做了(抵鍚!)
坐返埋位後, 兔寶寶忽然指住頭先有隻貓幅相, 並說: CAT...
我都話啦, 佢係識架, 我個女唔係啞架~
然後老師再問多我地(家長)幾條問題,
例如兔寶寶有無瞓晏覺啦, 介唔介意讀上午班啦之類,
就說今次嘅interview結束了.
雖然兔寶寶今次唔係講好多野, 不過佢响品德方面嘅表現都幾好,
至少你叫佢做乜就做乜, 玩完一樣野都肯放返落個籃到.
到離開課室時, 兔寶寶被一個裝滿玩具的架子吸引著,
僵住不願走...
任我和大少怎樣氹她都不肯離開;
那位老師就話, 不如我拖住你出去啦~
兔寶寶回個頭來, 對著那老師, 把食指放在唇邊, 並咮一下...
呢一下咮, 真係嚇得我差點暈底了.
最後要由大少抱走...也就是我最不想在老師面前用的方法,
才成功離開了...
沒有留言:
張貼留言