蕃薯班戟

3月27日  星期三  晴天

整蕃薯蛋糕時用剩咗D蕃薯忌廉,
雖然我是很愛吃忌廉的, 但又未至於去到空口食的程度.
諗諗計用埋佢, 就簡簡單單煎幾塊班戟皮包住佢就算.

班戟皮食譜參考了: *安娜小舖* 安娜美食 の 小食 ~ 芒果班戟
吊起手無吉士粉, 無落都唔緊要,
係顏色無咁鮮黃, 無咁靚姐~

開頭煎果D底面都有煎, 顏色較深,
後尾就發現煎一面就得喇!

除咗蕃薯甜忌廉,
我仲加咗蕃薯蓉响中間做餡.

蕃薯蓉:
只要壓爛蒸熟嘅蕃薯, 然後一面壓一面遂少遂少咁加D牛奶,
也可以用cream/水/淡奶代替牛奶.
加cream就更滑,
但我打算用剩的蕃薯蓉直接空口吃,
所以加牛奶就算了.



很簡單的甜品~
但我發現兔寶寶是不吃班戟皮的(她只吃餡),
她連麥當奴早餐的hot cake也不吃,
真是奇怪啊!

*********************

兔寶寶還有一樣很奇怪的表現,
每當有人吹泡泡時, 她不會像其他小朋友很雀躍的跑去"篤",
只是離遠望, 最多都是伸出小指頭去"篤"身邊的泡泡.
試過很多次了, 即使我買了一支泡泡去吹,
她只會走過來去搶我的肥皂水,
任我怎鼓勵她都不會追泡泡.
每次見到別的小孩興奮地追泡泡,
而她卻孤伶伶的站在一旁觀看,
我都覺得很奇怪...

不過見她無拘無束地在公園跳舞,
還是一個正常小孩子的行為吧!