搵食

2月5日  星期日  晴天

兔寶寶: HI~~ 又係我呀!
            又係我D相呀!!

呢兩日一朝起身, 兔寶寶就爬去個食物櫃,
摷呀摷, 摷包BB米餅出來, 之後爬去我度,
一面扯住我一面咬包餅嘅包裝袋...
知喇知喇! 知你開唔倒喇!
想我幫你開吖嘛!
今日包BB餅已經收入少少, 佢依然好本事咁摷到出來,
識搵食唔怕餓親!! GOOD吖!

兔寶寶: 哈! 遲D我識打開個包裝袋你就知味道!!


聽日元宵節大少放假,
我地例牌出咗街唔會有時間煮湯圓.
今日食定先...
仲煮埋豉油雞脾仔 + 豆腐,
仲有炒咗碟西芹.

我地一路食, 兔寶寶就一路望實...

兔寶寶: Daddy, 見者有份喎!
            你唔夾俾我都至少俾隻匙羹我自己"畢"吖!!

兔寶寶: 唔~ 今日又無我份喇!

******************************************************