去吃甜品

2月2日  星期四  寒冷

(補記1月31日晚飯後..)

我地決定行去荃灣嘅另一面去食糖水呀!
搭升降機落商場時自拍,
個個都望鏡頭, 係我遮住塊面呀!!

行咗去一條好多糖水鋪嘅街,
左諗右諗之下, 決定去一間食台式甜品嘅鋪頭.
因為有BB車, 要等一個泊到車嘅位,
都等咗好耐, 不過D店員就好好心咁擔咗D櫈俾我地坐.

等位嘅時候睇定食乜.
呀媽要食熱野, 食木瓜雪耳糖水.

兔寶寶有份食D木瓜架!!

我叫咗呢個香草黑白, 係黑糯米跟椰汁雪芭,
配黑糯米糖水底.

好好食架!! 不過幾飽肚...

大少叫奇異果仙草跟仙草雪芭, 配芋圓.

燒仙草雪芭好特別呀!!! 成個甜品配合起都好好食...

呀哥叫唔知乜?!
呢碗我抽最少水, 無乜印象...

大少知我唔夠喉, 叫我嗌多個share,
呢個係豆花拼芋泥, 蜜豆, 芋圓.
跟咗球豆漿味嘅雪芭...

大少食完呢間糖水鋪, 話好掂呀,
又抵食又好味, 好食過松記呢!
我特別記住佢個名, 叫"木子甜品",
下次再去荃灣食.
返屋企search開飯網, 係無佢資料架!!

************************************

食完甜品, 就一齊行去西鐵站喇.
途經一個遊樂埸, 入去"到此一遊"先!!

記住呀兔寶寶, 你一生第一次玩鞦韆,
係同舅父一齊玩架!!

每條三色滑梯都要"得一得"...

我都叫住大少扶隱兔寶寶,
唔好放手架啦!!

    

兔寶寶: 當我LU LU呀?!
            俾人跣完一鑊,
            第三條滑梯我仲肯同你坐底咩?!