玩到發燒

3月3日  星期三  晴天

尋日大少放假,
兔寶寶哥哥姐姐出咗嚟同BB玩.

一見到兔寶寶, 哥哥就爭著幫忙推BB車.
我地先去永安行一會, 再行去九龍公園玩.
大少响對仔女面前好似大細路咁,
又跑又跳, 我就真係無咁好精力了.

响遊樂場玩完一輪, 去睇雀仔.

大少與他的三個寶貝:

大少與他的四個寶貝:

之去咗海港城行一陣,
大家都又累又渴, 於是行去星光行嘅意粉屋食野.
兔寶寶又响度研究個MENU了...

由於掛住食, 都無影食咗乜,
係後尾影咗兩杯野飲, 加埋一個甜品,
係檸檬pancake配雪糕.

小朋友都係鍾意同小朋友玩,
兔寶寶同哥哥姐姐玩得幾開心!
姐姐仲好識照顧妹妹呢!!

食完野, 差不多八點,
姐姐見議出去睇幻彩詠香江.

超多人...

不過D激光真係顯得香港嘅夜影好靚嘅...

睇完激光, 未夠喉, 又走返入去海港城行玩具反斗城.
一路行, 兔寶寶同哥哥玩到癲晒,
玩到十點幾先各自依依不捨地回家.

返屋企幫兔寶寶沖涼時發現佢玩到發燒!
俾咗退燒藥佢食, 沖個暖水涼, 跟住開埋冷氣俾佢嘆都唔退燒, 
成晚扭計唔肯瞓, 睇佢個樣好似好唔舒服咁,
我仲一度同大少商量要唔要帶佢睇急症!
後尾都係怕去到等餐C, 等到今朝先帶佢去診所睇醫生.

點知一落到診所佢又鬼咁精神,
一時撩吓呢個, 一時又撩吓果個,
引得成間診所的姑娘與病人都哈哈大笑,
連D姑娘都話睇佢個樣一D都唔似有病呢!

醫生話佢有DD感親所以發燒,
未來呢三日又要質佢食藥了.