米倉

7月4日  星期四  晴天

响百佳見到超力米粉三包優惠裝賣廿一個幾,
仲送個水壺添~
咁啱果日漏咗個水壺响齋鋪,
就買包順便拎個水壺嚟玩吓!

第一眼見到個水壺就知兔寶寶實鍾意...
因為...夠樣衰!
你睇海棉寶寶同喜羊羊呢D,
就知BB是鍾意D樣衰嘅公仔的...
呢樣野都唔係重點.
有人新C坑三日香, 拎返個舊水壺都唔肯用,
係都要用呢個C人水壺...
結果, 佢帶契我兩小時內拖咗三次地幫兔寶寶換三次衫!
特此記之!

****************

實在太喜歡BB瞓著覺個樣...
宜家瞓夠佢,
第日返學, 上堂唔好恰眼瞓呀!!!



海棠春睡夠吸引喇掛?!
未夠?! 睇下隻脾, 夠晒斤兩,
可食用...

*********************************

近來除咗百X同惠X,
仲多咗間數字屋可以得閒行吓.
呢間大鋪設有咖啡角, 買滿50蚊,
有免費咖啡一杯.
呢日去仲多咗朱古力揀,
不過都係咖啡好飲D!

咁多米, 唔怕無飯食囉~