無忽好肉

5月13日  星期二  陰天

尋日係個幾禮拜以來最好天果日, 

兔寶寶上完playgroup,

襯地下唔濕就帶咗去佢公園~

照去室內playroom嘅做法,

坐埋一二面由得佢自己玩!

點知愈坐愈痕, 好多野咬咁!

去之前已經噴晒蚊怕水架喇~

痕到頂唔順, 走人!

一路行一路R, 感覺所有毛孔擴大, 

痕到頭皮發麻!

返屋企除咗件衫, 嚇C!!

半條腰都係!(下有令人不安照片)

初時以為俾昆蟲咬!

後來愈起愈多, 大半個背脊都係先知係敏感!

不嬲都有食開敏感藥, 

咁啱藥房話未返貨, 咁就出事!

食咗藥係好D, 皮膚無突起, 

又好似唔痕咁, 只係留下紅點.

點知今日傍晚又起過, 連手指都出埋!

雖然無腰背咁一大片, 

但都足夠痕到跳舞!

睇嚟聽日大少放假嘅節目係要去睇醫生!