嫲嫲自家煮 + 飯後節目

11月15日  星期五  晴天

續: 特別節目

等大少溜完冰, 我地過咗去嫲嫲屋企食飯.

 飯前飲咗兩碗紅蘿蔔雞湯, 奶奶話係用咗兩隻雞來煲架~

枱面亦有一隻白切雞.

涼瓜排骨和臘鴨.

豆豉醬煮茄子.

煎魚.

蝦仁墨丸炒西芹.

全家幅..

有人仔想用手攞雞脾食, 同呀媽爭最正果舊~

食埋生果都係八點左右, 

大少話兔寶寶成日嚷著要去波波池, 

咁就去爺爺屋企附近果間冒險樂園睇下~

除咗响波波池玩一陣, 

仲同兔寶寶玩咗一次Thomas小火車,

估唔到呢個算大型嘅機動遊戲都只係收十個代幣.

玩到人地都差不多打烊, 

我地仲去埋食宵夜.

要了一份唔記得乜名嘅芒果甜品share,

嘻嘻, 大少同兔寶寶都唔"好"芒果架,

主要都係我食~

仲有一碟咖哩魚蛋.

呢整日兔寶寶都無瞓過晏覺架, 

玩得又夜喎, 

返到屋企趕忙沖好涼同佢瞓.