特別節目

11月14日  星期四  晴天

尋日大少放假, 打算再帶兔寶寶去太古城玩波波池.

行到去時代廣場對出, 聖誕節裝飾已經差不多攪掂, 

正進行測試, 還未對外開放.

兔寶寶竟然在神不知鬼不覺的情況下從欄杆"捐"咗入去, 

要由大少抱返出來~~~

去到太古城, 响food court食D野打底.

叫了排骨上海麵和韓國牛肉飯share吃.

 

D飯加咗甜甜的燒烤汁, 兔寶寶好欣賞.

食完野走落樓下冒險樂園, 

佢竟然裝修中! 要十二月中才重新開業.

今次真係運吉了.

無無聊聊响隔離玩具反斗城行咗陣, 

就走去睇人溜冰.

見到附近有乳酪雪糕賣, 

就買一杯同兔寶寶share.

 

睇下個餐牌, 

原來响正溜冰場隔離嘅呢間餐廳比樓上food court差唔多價錢, 

但環境好好多, 仲可以一面睇人溜冰一路食.

我地食雪糕嘅同時, 

原來大少已經為我地安排好了節目了.

進行呢個節目之前, 

首先要行入Apita, 買條長褲作"事啤" ...

經過文具部大少整鬼兔寶寶...

 原來大少剛聯絡上一個兼職溜冰教練的朋友, 

剛巧他在太古城任教.

昨日有半小時的空檔, 可以教兔寶寶玩下.

先要整吓裝, 估唔到有咁細隻溜冰鞋租.

大少就係怕兔寶寶會撻濕條褲, 

先會叫我買定條褲做"事啤"的.

不過大少實在太過慮了, 兔寶寶咁安全至上,

點會撻吖...

响場內有手襪賣, 六蚊對.

呀B覺得很新奇.

事實上直到現在我戴著洗碗的手套她都會覺得特別, 

像是不認得我對手似的.

 

裝備好, 就乖乖地等教練來喇~

教練叔叔先檢查一下鞋子穿妥沒有.

跟著走入冰場做些熱身練習, 

不過兔寶寶唔多願意咁, 一副拒人千里的樣子...

好喇,開始行喇!

看到大少亦有份在一旁打氣嗎?!

佢唔想在一旁都唔得, 因為扶手在一旁嘛!

亦因為大少那步姿實在太攪笑, 引得我掛住望佢, 

望少咗兔寶寶嘅英姿..

由教練半拖半抱咁走了半個圈,

呢個係戲玉嚟架喇~

因為行多幾步呀B就好似軟皮蛇咁,

唔行再前行了, 亦不願踏入溜冰場半步...

 

 

亦因為此, 

本來是睇呀B學溜冰, 

最後變成兩母女睇個中佬學溜冰, 

今個假期嘅特別節目, 認真特別!