元旦翌日去吃Pizza Express

1月3日  星期二  晴天

尋日元旦翌日補假, 我地一早book咗夜晚去Pizza Express食Pizza.
等晏晝大少起身, 梳洗完畢就出發去海港城行街街...
好少响紅日行街嘅我真係好唔慣, 四圍都好多人,
好彩呀媽無早出來行街街, 唔係行到攰想搵張坐吓都無...

由於要八點半前交枱, 我地六點半就入去食蚊蚊喇!!
早book有著數, 有海景位,
仲可以睇埋八點鐘「幻彩詠香江」先走.

一坐底, 侍應送上一本俾小朋友玩嘅填色畫冊同貼紙,
大人睇MENU時, 兔寶寶都好唔得閒攪呢攪路,
不過無幾耐佢又咬紙, 我地將本畫冊沒收,
佢就開始唔老嚟喇!!

兔寶寶表達不滿, 全程都無乜露過笑容,
仲唔太合作咁迴避鏡頭添!!

叫咗好多野食呀!!

首先有廚師沙律,
兔寶寶都有份食D蛋黃同埋少少麵包.

跟住有焗磨菇,
伴碟嘅麵包球係果度必吃嘅食物,
不過我覺得無乜特別, 見無乜味道都俾咗一粒兔寶寶吃.

芝士焗茄子...

羊奶芝士pizza~~

好穌呀!!

煙三文魚薄餅...

唔多夠飽, 叫多個芝士忌廉麵卷...
我覺得呢個最好食~~

呢間野叫Pizza Express, 我仲諗住會好啱我呢個芝士怪添!!
原來佢D Pizza唔係好多同好重芝士架咋!!
或者係佢用D芝士唔夠濃郁啦!
可能佢又就返D唔太鍾意芝士嘅人啦!!
我覺得佢落多D芝士會好D...
(大少同我都覺得, 我整果D pizza好食過佢呀!!)

不過間唔中一次半次食個景都OK嘅!

********************************************************

個嬲字點寫??
兩個壯男夾住我個女,
睇下兔寶寶表情....好驚驚呀!!

嚇親兔寶寶,  大少諗住呵返...
咦,, BB好似唔多受落喎!!
坐返埋位仲係毑埋口面...

舅父抱會唔會好D呀?!
哎呀, 情深款款咁互相對望,
有無問過我先?!
媽咪妒忌架!!

我又要影!!!

成晚最失策就係忘記叫侍應幫我地影全家幅呀!!
之後仲影咗好多靚相,
聽日先出網誌喇!!