免搓七穀芝士火腿包* Photo Hunt遊戲

10月6日  星期四  晴天

又係免搓包...
今次加咗七穀粉, 諗住有益D...

唔係無諗過做港式包,
只係港式包, 我只喜愛雞尾包同椰絲菠蘿包,
唔肥唔食...
自己整, 落咁多牛油雞蛋,
我怕自己整完唔敢食呀!!
走落街買,
一來眼不見為乾淨,
二來方便利落,
好似唔係好值得自己落手落腳做...

而呢D歐式麵包, 唔係一般街坊麵包鋪買得到,
加咗低脂芝士同火腿做餡...
鐘意呢D包粗粗嘅外皮同扎實嘅口感.
麵包係我主糧呀, 要食得健康D!!


睇樣無咩問題,
食落好大鑊,
計返食譜比例, 要落1湯匙, 我預埋落火腿+芝士嘅咸味,
260克高粉/220ml水都只係加咗一茶匙鹽...
唔通我又老人痴呆發作,
落完一匙又一匙??
總之, 好咸呀!!
我仲俾咗一條呀媽添...
真係...激死我喇~~

兔寶寶: 食得健康D就啱喇!
唔係好似我咁, 有條"是啤呔"呀!!

同一件衫:

呢張係5月19日影嘅, 其時兔寶寶1個月零5日大....

呢張, 今個月4号影, 差10日就6個月...
大家認為除咗size之外, 有咩分別呢??

兔寶寶: 唉~ 媽咪愈來愈無聊喇!!