2月15日 星期三 和暖
HI! 大家好!!
尋日情人節, 我地都無特別慶祝活動,
大少如常地返工, 晚上都係我同兔寶寶兩個食.
不過我就點都估唔倒,
今年大少竟然會送一大紥白玫瑰俾我!
完全無諗過, 真係開心C!!
大少真係好鍚我, 我想買乜佢都會買,
當然佢識我咁耐佢都知我唔係D亂洗錢嘅人啦!
佢知我唔太有事業心, 唔係好enjoy响出面做野,
雖然自己好辛苦都肯揹起成頭家,
俾我可以做一個full time mother.
雖然情人節過咗, 我都要借呢個機會去講一D肉麻野.
(唔想凍C又或者無興趣嘅, 可以掠過架!!)
我真係好慶幸可以識到大少,
佢係一個可以扶持我一起成長嘅人.
兔寶寶: 好野! 三個人一齊成長!!
我覺得一個長久嘅伴侶係可以互相支持, 互相鼓勵,
有分享有溝通嘅; 好幸運我同大少都做到了.
好多人會認為彼此包容對方嘅缺點係好重要.
無錯嘅, 要夾硬改變對方成為自己心目中理想嘅伴侶係唔好,
改吓改吓, "我"已經唔係"我".
不過如果真係缺點, 真係一D唔好嘅生活習慣, 又點解唔改呢?
識咗大少之後我改變咗好多野,
(應該係大家都為對方改咗好多野先啱!)
戒咗煙戒咗酒戒咗夜浦, 呢D都係以前有好多好多人勸過我戒,
甚至連自己都知唔好嘅生活習慣,
亦只有佢一個先可以令我放棄呢種頹廢嘅生活模式.
大家有無留意兔寶寶分咗條界呢?
宜家我再進一步改善下自己三十多年來寒背嘅姿勢,
由細到大, 都有好多人叫我唔好寒背,
由細細個唔聽人講, 去到大個知道寒背唔好睇, 但係自己都堅持唔倒.
或者係佢勸諫嘅方式唔同, 又或者係timing問題,
大少就真係有D力量, 可以叫我改完一樣又一樣.
無可否認我仲有超多缺點要改,
例如佢想我脾氣好D啦,
連去拜車公都不忘求佢使我脾氣好一點.
哈, 我咁惡C, 都幾難架!
無論如何, 大少, 我愛你!!
講返尋日情人節,
我地打算去飲茶就算喇!
點知準備好晒出門口搭LIFT先知壞LIFT.
大少知我情人節唔想留响屋企煮飯食,
就跑樓梯落管理處問部LIFT幾時先整返好,
(我地住11樓)
之後打上嚟話已經有維修人員整緊, 好快就會整返好.
我叫佢咁你不如响樓下等我, 唔洗跑上來啦,
部LIFT整返好我自己推兔寶寶落嚟咪得囉!
點知佢都跑樓梯上來, 陪我地一齊等.
等等吓都唔知等到幾時, 我就話不如算喇,
响屋企煮麵食吧啦, 反正茶就幾時都有得飲.
就係咁我地嘅情人節午餐就係食餐蛋麵,
加埋我整嘅木糠蛋糕...
呢個木糠蛋糕係跟迪比廚房嘅食譜.
屋企只係得一盒200ml嘅淡忌廉,
所以我只係按比例去整,
同樣係六吋, 出來個蛋糕就只係得兩層喇!!
加咗魚膠粉去凝固, 質感就同我响澳門食嘅木糠布甸唔同,
相對地用少D忌廉無咁肥囉.
由個模度拎個蛋糕出來時都幾"呢HEA".
起初我都擔心大少會唔鍾意食果D"木糠",
切咗細細舊(1/6個蛋糕)俾佢試吓先~
食吓食吓, 每人食咗半個蛋糕,
兩個人夾手夾腳一次過食晒!
唔洗留仲好, 唔洗搬嚟搬去洗少D野!!
不過呢個午餐就真係超高卡路里囉~
兔寶寶: 你地係咁食, 小心食到好似我咁, 有雙下巴呀!
HI! 大家好!!
尋日情人節, 我地都無特別慶祝活動,
大少如常地返工, 晚上都係我同兔寶寶兩個食.
不過我就點都估唔倒,
今年大少竟然會送一大紥白玫瑰俾我!
完全無諗過, 真係開心C!!
大少真係好鍚我, 我想買乜佢都會買,
當然佢識我咁耐佢都知我唔係D亂洗錢嘅人啦!
佢知我唔太有事業心, 唔係好enjoy响出面做野,
雖然自己好辛苦都肯揹起成頭家,
俾我可以做一個full time mother.
雖然情人節過咗, 我都要借呢個機會去講一D肉麻野.
(唔想凍C又或者無興趣嘅, 可以掠過架!!)
我真係好慶幸可以識到大少,
佢係一個可以扶持我一起成長嘅人.
兔寶寶: 好野! 三個人一齊成長!!
我覺得一個長久嘅伴侶係可以互相支持, 互相鼓勵,
有分享有溝通嘅; 好幸運我同大少都做到了.
好多人會認為彼此包容對方嘅缺點係好重要.
無錯嘅, 要夾硬改變對方成為自己心目中理想嘅伴侶係唔好,
改吓改吓, "我"已經唔係"我".
不過如果真係缺點, 真係一D唔好嘅生活習慣, 又點解唔改呢?
識咗大少之後我改變咗好多野,
(應該係大家都為對方改咗好多野先啱!)
戒咗煙戒咗酒戒咗夜浦, 呢D都係以前有好多好多人勸過我戒,
甚至連自己都知唔好嘅生活習慣,
亦只有佢一個先可以令我放棄呢種頹廢嘅生活模式.
大家有無留意兔寶寶分咗條界呢?
宜家我再進一步改善下自己三十多年來寒背嘅姿勢,
由細到大, 都有好多人叫我唔好寒背,
由細細個唔聽人講, 去到大個知道寒背唔好睇, 但係自己都堅持唔倒.
或者係佢勸諫嘅方式唔同, 又或者係timing問題,
大少就真係有D力量, 可以叫我改完一樣又一樣.
無可否認我仲有超多缺點要改,
例如佢想我脾氣好D啦,
連去拜車公都不忘求佢使我脾氣好一點.
哈, 我咁惡C, 都幾難架!
無論如何, 大少, 我愛你!!
講返尋日情人節,
我地打算去飲茶就算喇!
點知準備好晒出門口搭LIFT先知壞LIFT.
大少知我情人節唔想留响屋企煮飯食,
就跑樓梯落管理處問部LIFT幾時先整返好,
(我地住11樓)
之後打上嚟話已經有維修人員整緊, 好快就會整返好.
我叫佢咁你不如响樓下等我, 唔洗跑上來啦,
部LIFT整返好我自己推兔寶寶落嚟咪得囉!
點知佢都跑樓梯上來, 陪我地一齊等.
等等吓都唔知等到幾時, 我就話不如算喇,
响屋企煮麵食吧啦, 反正茶就幾時都有得飲.
就係咁我地嘅情人節午餐就係食餐蛋麵,
加埋我整嘅木糠蛋糕...
呢個木糠蛋糕係跟迪比廚房嘅食譜.
屋企只係得一盒200ml嘅淡忌廉,
所以我只係按比例去整,
同樣係六吋, 出來個蛋糕就只係得兩層喇!!
加咗魚膠粉去凝固, 質感就同我响澳門食嘅木糠布甸唔同,
相對地用少D忌廉無咁肥囉.
由個模度拎個蛋糕出來時都幾"呢HEA".
起初我都擔心大少會唔鍾意食果D"木糠",
切咗細細舊(1/6個蛋糕)俾佢試吓先~
食吓食吓, 每人食咗半個蛋糕,
兩個人夾手夾腳一次過食晒!
唔洗留仲好, 唔洗搬嚟搬去洗少D野!!
不過呢個午餐就真係超高卡路里囉~
兔寶寶: 你地係咁食, 小心食到好似我咁, 有雙下巴呀!
沒有留言:
張貼留言