甜脆肉桂腰果 -- DIET版

12月30日  星期五  晴天

呢排我住緊棟樓嘅維修工程趕工呀,
日日都鑽呀鑽, 嘈到拆天咁!
日日都要搵地方去避靜!
我就無所謂呀, 大條道理唔洗留响屋企.
大少就慘囉, 日日都無覺好瞓,
真陰公!

兔寶寶呢排爬得好叻呀!
爬到過晒界, 超過晒可以俾佢爬嘅領域,
仲識得走入房搵我添!!
佢仲嘗試爬入廚房, 好彩有條木鑑阻一阻,
不過我諗都係時候要買個door gate返來呀!

我宜家真係好唔得閒喇,
兔寶寶好鍾意爬去咬我地D拖鞋呀!
即係呢, 我地除咗對拖鞋踩上去play mat,
佢就襯我地唔為意爬出去咬我地D拖鞋呀!
唔著拖鞋都係一個可行嘅方法來嘅....
仲有一樣恐怖野,
雖然有條門鑑响廚房佢爬唔到入去,
本來佢响廚房門口笑笑口咁望住我洗碗/煮飯都無乜野嘅,
但我竟然發覺佢偷偷地LAM條門鑑呀!!!
天呀!!! 兔寶寶嘅口腔期究竟幾時先完結呀?!

**************************************************************

今晚焗咗D肉桂腰果.
係跟TnP嘅糖衣杏仁食譜,
之前都用來整過腰果, 花生同合桃.

今次係用咗代糖來焗,
糖尿病人都可以食.
原來唔係隻隻代糖都可以焗得架,
有D代糖加熱會變味同變質.

唔摷代糖來買都唔知, 唔係隻隻代糖都適合糖尿病人食用,
好似呢隻咁, 雖然甜味係白糖嘅兩倍,
只係需要落食譜要求1/3嘅份量就可以有相同甜味,
但只係適合一般人keep fit減肥用.
我打算用來整甜品俾大少,
等佢食甜野都食得安心D呀!

而呢隻寫明" Suitable for diabetics"嘅,
甜味同砂糖一樣, 但卡路里就少四成,
今次就係用佢嚟焗nuts架喇!!

用代糖來整蛋糕可能响色澤同質感上都分別,
不過用來整呢D甜點响食味上就無乜影響.
對大少來講係更吸引呢!
.

*************************************************************

過多兩日就2012年喇,
之後無幾耐就農曆新年.
我就有點兒不捨得兔年離開,
好怕呀, 下一個兔年兔寶寶就已經十二嵗,
又怕過咗兔年兔寶寶會OUT咗 (好明顯係我諗多咗!)
為怕大家忘記今個兔年,  我想提提大家.....