聖誕行大運

12月27日  星期三  晴天

大家聖誕節係咪玩得好高興呢??
現在我身為家庭"煮"婦, 紅日都無乜特別意思,
再加上大少頭兩日又無假放,
所以我反而懷念以前返工嘅日子,
紅日真係特別高興!!

不過話晒今年係兔寶寶第一個聖誕,
尋日襯大少放假,
我地都帶咗兔寶寶出去感受下聖誕氣氛.

本來我地想去冬日美食嘉年華架!
不過擺咗個大烏龍,
我以為係工展會完咗, 响返大球場擺!!
結果出咗去銅鑼灣先發覺工展會未完!
雖然我想行多次工展會, 不過大少就麻麻地想,
佢想行街買衫多D!
於是就去咗行街街!
生咗兔寶寶之後都無响假期行銅鑼灣,
真係超級多人, 度度都好迫,
而家我地都唔係十八廿二,
真係麻麻地鍾意冧人堆...

無摷相機特別影相,
剩係响等大少去toilet時幫兔寶寶影咗張為食照...

夜晚過返尖咀打邊爐...


打完邊爐順手影下燈飾...
而家商場入面嘅聖誕燈飾仲靚過外面,
都係影吓人啦!!

呢張好明確, 話你知出年係龍年.
上年呢個時候都影過一幅, 背景係兔仔嚟架!

呢幅相兔寶寶嘅橫切面仲大過我同大少呀!!

大少同小雪人合照...

我也同小雪人來一張合照...

返到屋企沖埋涼, 兔寶寶成一點鐘先覺覺豬呀!
行咗成日, 我都攰到不得了...