放假第二天

4月11日  星期三  晴天

兔寶寶: HI!! 又係我地放假D相呀!!


尋日係大少嘅復活節補假第二天,
瞓醒之後去咗食意粉屋.

叫咗兩個下午茶餐share食,
做咗佢地member, 下午茶餐買一份第二份半價.
我揀咗肉丸磨菇pizza, 跟忌廉湯,
飲品可以揀汽水, 但要coke light就因為係罐裝而要加十三蚊,
好唔抵啵! 所以升級咗要cappuccino, member優惠不用加錢.


大少就要酥皮龍蝦湯套餐,
跟肉醬意粉同cappuccino.

另外用會員積分換咗一個薯條雞翼小食.

俾咗兩粒伴碟嘅蕃茄仔兔寶寶食.

兔寶寶: 好酸呀!!

兔寶寶: 不過食吓食吓又幾好食啵!

食完車厘茄, 無乜野啱佢食,
佢就開始攪攪震, 攞D餐具係咁敲.
想話收咗佢D餐具唔俾佢玩, 佢就大喊,
真係博打...



乖乖地同Daddy影張相啦!!

食完午餐, 就去咗Element,
主要係想入去book store揀D啱BB睇嘅書俾兔寶寶做生日禮物.
自從BB坐得好隱陣之後,
我每星期都會帶佢去圖書館一、兩次,
揀D少字嘅書俾佢睇.
我覺得陪養小朋友閱讀好重要, 唔理係咪對學習有幫助都好,
閱讀本身就係一種良好嘅嗜好.


兔寶寶: DADDY我地而家係咪等上堂呀??
媽咪: 你坐到唔似等睇書, 似同人講數多D喎!!

兔寶寶: 哼! 咁話我! 等我認真俾你睇!!

媽咪: 認真睇書就唔好擔天望地啦!

响Book Store睇(玩?!)咗一輪,
揀咗一套BB書, 就出去行商場.
行到七點幾, 諗住行埋超市返屋企,
見到food court D pizza,
忍唔住買咗一件吃...
大少想飲甘荀汁, 就買咗個pizza combo...

之前買外賣返屋企, 雖然有翻焗,
但味道差好遠. 堂食好味好多!!
一件share食唔多夠喉,
大少就提議買多一件, 不過今晚就唔再去酒樓吃飯喇!
咁都好喎, 仲慳返D添!
兩個pizza餐一百蚊仲有兩蚊找,
作為外食晚餐真係抵!
第二件pizza D芝士歪埋一面, 大少就讓我食多芝士果邊,
真抵錫呀!!

兔寶寶都有份飲甘荀汁, 不過後尾就飲到成條裙都係,
呢咁HEA,
咁就立刻返屋企LU!!