稻香一蚊雞

4月23日  星期一  雨天

稻香一蚊雞出咗幾年,
每年都因為各種理由而miss咗.
今年終於有機會吃喇!



排長龍要等位嘅話大少一定怕麻煩唔去,
所以我叫佢六點鐘好去酒樓搵位.
佢梗係話我誇張啦!
去到酒樓樓下見到已經有人等攞飛仔入座,
大少就知我所言非虛喇!
(不過我地七點零鐘食完, 都唔太多人, 雖然全院滿座,
 樓下都唔洗等位)

一隻雞,  一蚊雞...

味道都OK, 你唔會expect佢好好食,
有D似客家咸雞(但我地唔係去客家好棧, 係去迎喜喎!)
掛住食, 無留意佢係乜野雞,
隨雞附送香蔥豉油, 係蔥油雞掛?!

叫多碟48蚊嘅椒絲腐乳通菜...

每人加多8蚊雞, 有自助汽水糖水吧,
我都吃唔少芝麻糊.

兔寶寶食飽飽玩玩具, 唔阻大人食雞雞.

打完呢篇有D肚餓, 係時候同大少去麥當奴吃多杯雪糕喇!!

• 稻香一蚊雞