學生相DIY

4月22日  星期日 晴天

兔寶寶足一嵗大, 係時候要為她報讀預備班了.
本來我諗住慳D錢, 唔報預備班,
就咁同佢報一些playgroup就直接讀幼兒班.
不過我見兔寶寶好鍾意同小朋友玩, 留响屋企好悶,
再加上屋企無D差不多年齡嘅小朋友同佢玩,
個個都大過佢至少幾年, 自自然然就晒佢,
將來縱到佢唔止a little bit of刁蠻就真係大鑊喇!
入讀預備班, 希望兔寶寶能夠同多D同年孩子相處,
俾佢知道呢個世界唔係唯佢獨大,
咁就夠喇!!

自問無打算好似其他家長咁安排一條康莊大道俾子女,
我只係希望兔寶寶開開心心、快快樂樂咁成長,
讀書叻唔叻 、識幾多件樂器同運動係其次,
佢有良好嘅品德同教養更為重要.
到佢大個女行條乜野路, 都係佢自己選擇了.
雖然好多人同我講要同兔寶寶報間好D嘅幼兒園,
身邊不少朋友和舊同學都為D仔女入名校而搬屋,
我都明白父母都係想俾仔女最好嘅野,
但大少一個人工作要養嘅人一隻手嘅手指都數唔晒,
家庭開支大;
經濟同時間嘅考慮, 我只能退而求其次,
選擇區內普普通通的學校就算了.

我諗而家好多家長都係自己幫細路仔影學生相吧!
一來平宜很多, 二來自己影可以影到啱心水為止.
今日我一影就影咗32張, 到後來可以揀出來曬的只有兩張咁大把.
從網上得知好多人都係用Passport Photo DIY來處理學生相,
我就懶得再download下來, 反正用開的photocap也有此功能,
就用photocap嘅"大頭照"工具來處理了.

如果用呢張來填入學申請表, 間學校收兔寶寶就怪了.

兔寶寶你做乜事咁開心?!

呢張本來都幾好, 可惜兔寶寶笑得興奮得滯,
口水都流埋出來, 俾老師見到就失禮了.

我知...我咁講一定有人話我好衰,
但如果老師睇到兔寶寶流口水流成咁,
 好難叫人唔諗起烚熟....

最後選擇呢兩張,
聽日去快圖美晒4R,
返屋企自己再剪開做一張張就攪掂!