尋日我病了.
事原係大少响星期一果日開大部冷氣,
果日其實都不太熱, 仲有D涼添!
開埋冷氣我覺得好凍, 喳蹅淋攞返件外套著.
大少呢, 佢呢D成日都以為自己好壯嘅人打大赤肋,
到晚上就來咳咳咳了, 慌我唔死仲要向住我咳...
兔寶寶小姐當晚又玩失眠,
瞓兩瞓又醒一醒, 晚上兩三點入睡早上七八點就鬼打咁精神,
沒有好好休息的我, 除咗跟住大少咳咳咳同流鼻水之外,
喉嚨同耳朵都好痛,
成身好似俾人打咗一餐咁, 週身骨痛,
仲要暈吓暈吓忽冷忽熱又沾寒沾凍....
我地呢D全職媽媽無病假, 依然要起身照顧兔寶寶,
只能偷空灘响度幻想有人幫我按吓摩、搥吓骨來減輕痛楚...
幻想始終都係幻想, 兔寶寶小姐點會放過我...
灘得兩灘我發現屋企寧靜得恐怖, 起身望一望兔寶寶攪緊乜?!
一望之下真係暈咗响度! 佢响度玩緊一瓶凡士林!
手、腳、面同頭髮都係凡士林, 最恐怖係咀角都有!!
好不容易捱到晚上, 所有家頭細務都攪掂晒,
抱埋兔寶寶上床, 即使佢唔瞓我都可以瞓响度"恰一恰"...
呢個兔寶寶慌我唔C咁,
不斷扯我頭髮, 又用我D皮膚來磨手甲...
可能佢怕我病到暈咗, 我一合埋眼佢就一野拍落我塊面,
甚至用手撬開我眼皮
(佢有呢個動作我就知佢知道人瞓覺係要合埋眼.)
女呀女! 媽咪而家仲算壯健, 病咗都頂得順你咁對我,
將來媽咪老咗病咗, 唔可以咁樣對媽咪架! 知唔知道啊!
經過昨晚好好休息, 今日雖然都係鼻水長流,
但已經無晒週身骨痛, 好返好多了.
沒有留言:
張貼留言