飲早茶@稻香迎喜

4月26日  星期四  晴天

原來尋日係我舊曆生日!
唔係呀媽打嚟同我講, 我自己都唔記得!
所以話呢, 我係好公平嘅, 唔係淨係忘記大少舊曆生日,
嗱, 我自己生日都唔記得架!

可惜呀媽話俾我知嘅時候,
大少已經返咗工!
屈唔倒佢餐茶添!
唔緊要, 大少話今日補返喎!
撞啱佢朝早失眠, 所以七點幾八點去稻香飲早茶.

差不多兩年無飲早茶了!
大少狂叫、狂食, 完全唔記得自己食完係返屋企瞓.
呢餐, 係佢宵夜嚟架!
佢自己一個吞下一整碟炸鯪魚球、一整碟釀茄子
同埋一整碟牛肚拼鳳爪...
籠牛肉我幫手食咗一粒.


我唔輸蝕自己獨吞一碗碗仔翅再加一籠雞肉腐皮卷.

Share食嘅有糯米卷拼馬拉卷、蟲草花肉丸粥同埋牛腸拼叉燒腸.
呢三樣兔寶寶都有份架, 佢食咗一條腸粉(走餡)、一粒肉丸同少少面包皮.

佢似乎鍾意睇報紙多過食野, 坐車仔要睇報紙..

坐上嚟都要睇...

兔寶寶你穿咗崩喇! 你掉轉咗張報紙!!

以上食物除咗碗仔翅之外, 全部都係早市特價, 好抵食架!