生日前夕--飲茶 + 遊公園

4月29日  星期日  時晴時雨

今日呀哥本來book咗晚上去食西日式放題,
當是預祝我生日;
不過呀媽早咗出嚟九龍, 打算飲茶就算, 早少少返入屯門.
咁我地就去咗景逸軒飲茶,
叫咗好多點心, 全部都係我鍾意的.

飲茶期間, 大少不停遊說我媽留底食埋晚飯先走,
仲話齋飲茶我嘅生日會過得唔開心喎!
可能呀媽唔想掃我地興啦,
於是飲完茶我地就去咗九龍公園玩.

兔寶寶: Daddy媽咪你地行快D啦!!

兔寶寶: 我一個要拖實你地兩個, 真係好辛苦....


一去到就見到好多小朋友玩人力海盜船,
放低兔寶寶睇吓佢會唔會行上去先!!


氹咗佢好耐, 引佢自己扶住行上去, 兔寶寶都係企响度,

觀察一大輪, 後來有個三嵗嘅小女孩見佢企咁鬼耐都唔肯上去,
就走埋嚟拖兔寶寶行...

如果烏龜同兔寶寶比賽, 烏龜真係可以放心瞓一覺先...

大少唔抵得兔寶寶塞住條路, 抱埋佢一邊等佢自己行,
完全無野扶住.
太急進.....兔寶寶睬你都傻,
佢選擇慢慢坐响地下, 你行埋我果份啦!!

兔寶寶: 我要DADDY扶實我先行...

之後玩SIR滑梯....

坐响滑梯影張相先!!
兔寶寶, 你可唔可以咬少一陣手指呀??

兔寶寶: 我鍾意玩空中飛人多D!!!

之後又去返上次俾鬼仔蝦嘅位置,
同一座琴玩咗好耐,
兔寶寶仲想攞起支用來敲個琴嘅捧放入咀添!!

有個11個月大嘅BB仔又走埋嚟玩埋一份,
兔寶寶唔准蝦弟弟呀!!

玩完琴又玩大算盤...

响呢個位置見到一個又係11個月大嘅鬼妹仔,
開頭見佢個pet pet濕咗, 仲以為佢條片賴濕咗.
原來係鬼妹呀媽放佢週地爬同坐, 所以成條褲都污糟晒.
佢地D習慣係污糟D, 不過可能就係咁先強壯D, 又快識行D.
但放兔寶寶咁樣落地下爬法, 我真係做唔出!!

响公園影咗D家庭相....

之後....
大少成功遊說我媽食埋晚飯先返屋企!
於是我地去咗黃金海岸玩沙同水!
下集見!!!!