烈火戰車

5月18日 星期五  陰天

呢個星期成日都落雨,
星期三果日襯有小小陽光出現,
帶咗兔寶寶去踏單車.

其實係"坐"單車先啱!
我推, 佢坐, 唔洗郁架!!
無錯, 佢連車頭個"Boo Boo"都懶得禁!
不過佢都幾enjoy 坐住架單車兜風.

大家唔好誤會喎, 隻飛毛腿唔係屬於我的.
响我地玩單車嘅同時, 大少就去跑步.
咁對靚腳係屬於邊個, 大家估到啦!!


志太, 我地都有部烈火戰車!
應該話係二手戰車先啱!
多謝表哥仔割愛,
兔寶寶先有單車玩咋!
所以做小朋友都係做細嘅好!!