和呀婆飲茶

5月17日   星期四  炎熱

星期二果日呀媽出咗嚟探兔寶寶,
下午去咗景逸軒飲茶.


兔寶寶: 呀婆我地傾密計, 唔好預媽咪.


大個女咗嘅兔寶寶, 好專注咁聆聽呀婆講野.


兩婆孫仲有講有笑添!
呀婆應該聽唔明兔寶寶D BB話,
兔寶寶大概都唔會好明呀婆講咩,
雖然雞同鴨講, 但大家都好開心.

叫咗紅油炒手、豉汁釀茄子、
上湯花生牛肉球、宮廷菜肉包...
以上全部係優點, 特價點心是也.

仲有魚肚南瓜扎、百花甘荀卷、
杏香芒果鮮蝦卷、鮮蝦百合蟹子餃.
以上全部大點, 忘記睇價錢.

臨尾再叫多碟潮式炒米線,
仲有甜品脆麻花和高力豆沙.

兔寶寶: 咁多野食, 呀婆你記得要預埋我.

BB你唔洗扮乖坐定定喇!
你又點會唔攪攪震呢?!