千層豆腐雞柳炒椰菜 * BB刷牙問題

5月20日  星期日  炎熱

呢一排大少狀態大勇,
日日走落街跑步減肥,
從來未見過佢咁有恆心架!
前日整隻燒雞做LUNCH,
佢竟然同我講話太多肉, 好唔健康!
真係唔相信出自佢把口.


所以尋日我就簡簡單單整個多菜少肉嘅餸:
千層豆腐雞柳炒椰菜,
有少少雲耳剩咗响度又放埋落去...

主角係呢D千層豆腐,
有時買咗舊豆腐返嚟, 點知果晚又無煮飯,
我就成舊豆腐放入冰箱,
過幾日攞出來解凍,
舊豆腐就形成一層層, 好吸汁料好索味架!
質感有D似烤芙, 又有少少似素雞,
即使用來炒都唔會爛.


一放上枱大少可能剩係見到D菜同豆腐, 見唔倒D雞柳,
即刻話我好唔加罐午餐肉落去炒....
所以我成日都話大少耳仔痕架啦~~

*****************************************

呢個兔寶寶呢排唔知攪乜,
唔肯刷牙呀!!
自從我換咗支牙刷, 頭幾日佢都仲肯刷,
之後就點氹都唔肯擘大個口.
就算我換返舊果支牙刷都無用.
佢以前係好鍾意刷牙的, 覺得好好玩, 同佢刷係完全無難度.
宜家我已經有好幾天無同佢刷牙了!
有無blog友有好提議, 點先可以攪得掂佢刷牙呀?
用BB牙膏來引佢會唔會好D呢?
 (因為我未買過, 只是從網上得知有D食得落肚嘅BB牙膏係唔洗過水都得嘅,
如果BB牙膏是甜甜地的,
佢有可能會肯開口俾我幫佢刷.)
我好驚佢會蛀牙呀!!!

兔寶寶: 媽咪, 你講我是非!!!

兔寶寶: 嗚嗚... 俾人知道我無刷牙,
             乜野形象都無晒...嗚...