回家

12月22日  星期四  冬至

祝大家冬至快樂!!!


尋日我媽好返好多喇!
雖然食D止痛藥都係有少少藥物反應, 作嘔作悶咁,
不過就精神多了!
好多謝blog友chumama介紹一個醫師俾呀媽,
如果真係睇得好就好了,
因為果個醫師係响我媽屋企對面, 方便好多!
又提議我地試吓服用葡萄糖胺,
原來我呀哥都有食開, 覺得幾有用,
所以我呀媽都會試吓!


尋日晏晝我地去咗飲茶,
順便睇吓我媽行成點.
兔寶寶坐响BB櫈又四圍搵野玩...


叫咗蝦餃燒賣, 魷魚牛栢葉, 一碟鳳梨琵琶豆腐,
仲有無影相嘅千層糕同埋雪菜牛鬆炆米.
我媽樣樣都係食少少,
不過比起前日食乜嘔乜,
算係好好多了.

晚上呀哥來吃飯, 順便接我媽回家,
因為大家都是住屯門,
送埋呀媽返屋企時可以睇吓佢行唔行倒咁多層樓梯!

呀哥前兩日去咗澳門, 帶咗手信來...

聖誕節食中國老薑餅都幾應節呀!!

睇吓兔寶寶昨晚嘅男仔LOOK!!
都係著裙開心D喎!!