婚宴

10月13日  星期六  晴天

星期四果晚有親友結婚,
我當然帶埋兔寶寶去襯熱鬧啦!

兔寶寶又再一次穿上佢唯一一件"飲衫",
一到步就引來大家嘅目光.
之後大家仲鼓勵兔寶寶走埋花女姐姐度影合照.
不過呀B一埋位就想搶人地個花籃..


為咗可以順利拍照,
有人就塞咗一隻裝飾用熊仔在兔寶寶手裡,
不過呀B都唔係好滿意, 一副趕住走嘅樣...



原來佢想行前D, 搶鏡呀!
兔寶寶, 你係冒花女咋! 唔係正牌嚟架!
企返埋去啦!

無幾耐, 開席了..

呢一晚令我回想起很多童年往事.
而兔寶寶呢? 就狂隊鮮橙汁,
明明一條可以頂成晚嘅尿片,
濕到"林一林", 連條白色襪褲仔都過晒底,
最後要除鞋除襪(因為不穿襪對鞋刮腳)赤大腳, 真係失禮C人.
不過童年時嘅我同你, 去飲咪又係博老命咁飲汽水...


在此祝一對新人婚姻愉快!