甜品集

5月8日  星期二  晴天

尋日大少放假, 我地出咗葵芳行街,
主要係搵對鞋仔俾兔寶寶, 大少又睇吓電話.
出到去先知忘記帶相機, 無乜點影相呀!


出開葵芳最愛到葵涌廣場食班戟...
呢個係吞拿魚班戟, 22個大洋,
加多四蚊有厚芝士, 好味好多!!

行到五六點, 呀哥放工,
去荃灣搵佢食糖水.
去咗木子甜品食台式野,
手機影, 相片質素差了一點!

呀哥嘅唔記得乜野宇冶金時, 係牛奶底,
由於我對甜嘅綠茶無興趣, 無試吃啊!

大少要蜜瓜燒仙草配燒仙草雪芭.

我要綠豆、銀杏、蕃茄豆花配豆腐雪芭, 仲跟埋幾粒芋圓.

由於豆花好吃,
貪心要多個芋茸、紅腰豆、椰果豆花配豆腐雪芭share吃,
話就話share, 其實兩位男仕對甜品無乜興趣,
又係我吃得最多.

見MENU有豆腐麵, 可惜售罄, 好想試吃啊!

同場加演: 湊仔公表現揹女絕技....

利申一下, "湊仔公"呢個名字唔係我作,
而係樓下夜班看更會咁叫來同大少講笑!
大家唔洗緊張天氣咁熱會熱親兔寶寶,
條揹帶係做吓樣架咋!!


************************************

處理手機相片時發現有幾張上次入屯門吃德國咸豬手後,
去吃糖水的照片, 地點是屯門的井財街.
果日大家都食飽,
三個甜品四個人share吃...

有椰汁黑糯米.

呢個甜品個名好長,
叫木瓜布甸西米露,
我叫的時候心想: 木瓜布甸?! 未吃過喎!
怎知來到時是西米露加幾塊木瓜, 下面再有一層唔知乜野味嘅布甸...
好彩唔難吃, 但又唔係好吃, 吃不到"木瓜布甸"失望就是了...

仲有芒果班戟...
呢個就做得幾好, 同滿記差不多,
但呢度只賣廿個大洋...