都唔記得幾時開始,
兔寶寶飲完最晚餐奶之後, 就躺在我身邊睡,
一來是我懶得抱佢回BB床,
二來係一抱佢就會醒, 哭著要睡回我身邊.
直至大少放工回家, 才抱兔寶寶落BB床.
我也樂得有兔寶寶"陪瞓"...
可能兔寶寶奇怪咗好耐, 點解每朝睡醒了都唔同咗環境嘅?
咁佢朝早發現媽媽唔响身邊, 都唔會喊嘅,
好多時起身自己玩一陣, 再嗌醒我飲奶...
一直都相安無事,
但係有一天, 兔寶寶終於發現大少每晚抱佢返BB床瞓嘅"秘密",
作出有聲抗議!!!
據大少所講, 有幾晚佢想抱兔寶寶返出去時,
發現兔寶寶眼睜睜地望住他!
之後一抱佢出BB床就大喊! 似乎唔滿意大少霸佔佢張床, 同媽媽!!!
就算我起身輕拍兔寶寶入睡都無用, 佢要入返房瞓!
於是三個人逼埋一張床, 兔寶寶瞓最入, 我瞓中間, 大少瞓最出.
大少梗覺得無所謂啦, 佢感受唔到有幾迫,
兔寶寶雖然人仔細細本來體積不大, 可是佢要"大"字型咁瞓就唔係咁計!
結果我已經好似條木乃伊咁瞓咗好幾晚!
大少於是建議買多一張床俾佢返來就瞓,
好讓兔寶寶繼續同我瞓.
本來我都反對架! 我一早就知同BB仔一齊瞓唔好!
係我當初很想臨睡前都可以見到兔寶寶熟睡的樣子, 種下了惡果!
而且同大少分開瞓好似有點兒哪個...
於是我就嘗試一開始就放返佢落BB床瞓, 等大少唔洗抱來抱去,
可惜兔寶寶已經唔肯自己瞓!!
尋晚見佢好夜先瞓 ---佢又玩失眠....
瞓著時已經兩點幾三點,
我見佢瞓得好熟好香, 於是抱佢返BB床瞓,
諗住唔洗三個人逼埋一齊, 終於有覺好瞓喇...
點知, 唔係兔寶寶嘈,
而係我唔習慣無咗兔寶寶响身邊,
輪到我失眠, 五點幾(平時大少抱兔寶寶出去嘅時間)起咗身之後瞓唔返!
我諗, 都係時候要買定張床俾大少做"是啤"!
************************
究竟係兔寶寶肉緊, 定係個個BB仔都係咁肉緊嘅呢?!
沒有留言:
張貼留言